Është evakuuar aeroplani i kompanisë ajrore “Ryanair”, i cili ishte nisur nga Norvegjia drejt Mançesterit të Anglisë. Evakuimi ndodhi si pasojë e sjelljes së dyshimtë të dy pasagjerëve, të cilët më pas u morën në paraburgim.
Dy burra, sjellja e të cilëve ngjalli dyshime, u arrestuan dhe më pas u liruan nga autoritetet norvegjeze.
Policia kishte thënë se situata është normalizuar, kurse kompania bëri të ditur se alarmi ishte i rremë dhe se aeroplani fluturoi drejtë Mançesterit, shkruan BBC.
E gjithë kjo ndodhi pasi të dy pasagjerët u grindën me zë të lartë, të cilët gjithashtu përmendën fjalën “bombë”, pak minuta para nisjes së aeroplanit.