Standard.al

Bangladesh/ Ekzekutohet udhëheqësi io lartë islamik

0

Bangladeshi ka ekzekutuar një udhëheqës të lartë islamik për krime të kryera gjatë luftës për pavarësi nga Pakistani në vitin 1971, ka bërë të ditur ministri i Drejtësisë i vendit.
Motiur Rahman Nizami, 72-vjeçar, është ekzekutuar me varje në orët e hershme të së mërkurës (sipas kohës lokale), ka thënë Anisul Haq, raporton BBC.

Nizami kishte udhëhequr partinë më të madhe islamike të Bangladeshit, Jamaat-e-Islami. Ekzekutimet e mëparshme të liderëve të kësaj partie patën nxitur protesta të dhunshme në vend.
Javën e kaluar, Nizami ka humbur apelin e tij përfundimtar kundër dënimit me ekzekutim.

Ai është shpallur fajtor për gjenocid, përdhunim dhe torturë, akuza që sipas mbrojtjes nuk janë vërtetuar përtej dyshimit të arsyeshëm.

Siguria ka qenë e lartë në mbarë vendin para ekzekutimit. Mbështetësit e Nizamit kanë protestuar jashtë burgut qendror të Dakas, ku është kryer ekzekutimi.

Nizami është lideri i katërt i Jamaat-e-Islamit që është ekzekutuar që kur kryeministri Sheikh Hasina ka themeluar një tribunal për krime lufte për t’u marrë me rastet e abuzimeve gjatë luftës për pavarësi.

nizami_1462908088-4044701  _78600281_56493327 nizami_1_0

Leave A Reply

Your email address will not be published.

This site uses Akismet to reduce spam. Learn how your comment data is processed.