Specialistët e Seksionit për Korrupsionin në Drejtorinë Vendore të Policisë Durrës, në bashkëpunim me Prokurorinë pranë Gjykatës së Shkallës së Parë, pas një hetimi 2-mujor, kanë arrestuar një 35-vjeccar në flagrancë.
Në finalizim të operacionit “Ambulanti”, u vu në pranga Gerti Dedja, punonjës i Policisë Bashkiake Shijak.
Dedja, u merrte shuma të ndryshme parash tregtarëve ambulantë, dhe i lejonte të shisnin produktet e tyre pranë tregut të fshatar të qytetit të Shijakut.
Në cilësinë e provave materiale u sekuestruan një sasi parash dhe dy telefona celular. Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Korrupsioni pasiv i personave që ushtrojnë funksione publike”.
https://vid.me/SzfA