Çështja Frroku/ PD: A manipuloi qeveria shenjat e gishtave të Arben Frroku-t?

0
143

Për manipulimin e shenjave të gishtërinjve në kartelën e Arben Frrokut si shkaku kryesor I vonesës së ekstradimit të tij është aluduar nga Partia Demokratike.

. Enkelejd Alibeja hodhi dyshime se në kartelën e Frrokut ishte ndërhyrë për t’i ndryshuar shenjat e gishtave, me qëllim për ta ndihmuar. Në një deklaratë për mediat, Alibeaj ngre disa pyetje që sipas tij shpjegojnë vonesat e proçedurave të ekstradimit të Frrokut nga Hollanda.

Deklarat e plotë:

Të dhëna të reja tronditëse po dalin në lidhje me lehtësitë që Edi Rama i ka ofruar deri në fund aleatit politik, Arben Frroku, të dënuar me burgim të përjetshëm për vrasjen e komisarit Lamaj.

Sot, ngrihen disa pyetje legjitime që kanë nevojë për përgjigje;

A janë manipuluar nga autoritetet shqiptare shenjat e gishtave të Arben Frrokut në kartelën që shoqërojnë kërkesën për shpalljen në kërkim ndërkombëtar?

A është dëmtimi ose manipulimi i shenjave të gishtave një nga arsyet se përse u vonua procedura e ekstradimit nga Holanda, të Arben Frrokut?

A është urdhëruar policia të dërgojë në Holandë kartelë të re për Frrokun me shenjat reale të gishtave, pas denoncimit të z.Berisha?

Kur kartela me shenjat e gishtave që krerët e policisë dërgojnë në qendren e Interpolit është e pavlefshme, atëherë policia e një vendi tjetër nuk mund të nisë procedurat e ekstradimit pasi konfirmimi i identitetit bëhet i pamundur.

Edhe 1 javë kohë i duhej aleatit të Edi Ramës, ti shpëtonte policisë holandeze e të fitonte sërish lirinë.

Këto nuk janë thjesht dyshime për një rast të lidhjes së krimit me pushtetin, por janë pikëpyetje që vënë në dyshim Edi Ramën dhe qeverinë e tij.

Çfarë drejtësie mund të presim nga një kryeministër që i shërben deri në fund krimit dhe krijon lehtësi për vrasësin e dënuar përjetë të një oficeri të lartë policie, që nga arratisja e tij e deri në rastin kur ndalohet nga një shtet europian.

Eshtë e qartë për çdo shqiptar se një kryeministër që mbron krimin është garancia më e mire se vendi nuk mund te njohë e të ketë drejtësi.

Prokuroria duhet të reagojë menjëherë e të hetojë me imtësi këtë rast. Nëse vërtetohet manipulimi i gjurmëve të gishtave, Prokuroria duhet të nxjerrë para ligjit autorët dhe urdhëruesit.

 

Web Agency, Digital Agency, Web Development Agency

LEAVE A REPLY

Please enter your comment!
Please enter your name here