Steve Mershon, një 54- vjeçar amerikan nga Florida, gjeti në breg një shishe me një mesazh brenda. Duke menduar se bëhej djalë për një shaka pasi nga jashtë lexohej, “Përshëndetje për kë e lexon”, e hapi dhe zbuloi diçka të trishtë. Siç shkruan “Metro”, brenda shishes ishte një letër me titull “Homazh për mikun tim që vdiq”, e shkruar nga një fëmijë 10- vjeçar, Jonothan Torres dhe e adresuar për mikun e tij që nuk jeton më, Daniel.
Ja teksti i plotë,
“I dashur Daniel, më vjen keq që ti nuk jeton më. Unë tani jam në klasën e pestë dhe ti ishe miku im më i mirë… Shpresoj se po kënaqesh me Jezusin”. Steve mbeti i prekur nga veprimi i vogëlushit Jonathan dhe e postoi letrën në Facebook, duke shpresuar se do binte në veshin e tij. Në këtë postim, Steve shkroi, “Daniel ishte një djalë me fat që të kishte si shokun e tij më të mirë. Më vjen keq që nuk jeton më “
