Një person ka humbur jetën mesditën e sotme në Tiranë, pasi u përplas nga një kamion. Ngjarja ka ndodhur në zonën e njohur si “Tirana e Re” në kryeqytet, ku kamioni ka përplasur një këmbësor në rrugë. Burime nga policia bëjnë të ditur se këmbësori u dërgua menjëherë në spital, por nuk arriti të mbijetonte për shkak të plagëve të rënda. Policia nuk ka mundur të identifikojë viktimën, pasi nuk kishte asnjë mjet identifikimi me vete.