Televizioni francez vlerëson Shqipërinë dhe traditat: Perla e Ballkanit

0
170
Në zbulim të Shqipërisë, vendit të Ballkanit që nuk është vlerësuar më parë. Kështu e nis përshkrimin e Shqipërisë televizioni francez “Arte” në një analizë në seksionin e guidave në faqen online.

Natyra e Shqipërisë dhe tradita mikpritëse e banorëve është paraqitur përmes dy videove që tregojnë njëra veriun dhe tjetra jugun e vendit.

“Pjesa e parë e udhëtimit në veri të vendit, një zonë plot pasuri natyrore, Alpet shqiptare. Drini që rrjedh mes luginave malore, ujërat e kaltra të liqenit të Komanit, bregdeti Adriatik dhe delta e mrekullueshme e Bunës, një parajsë për zogjtë dhe peshqit”, thuhet në videon e parë.

Në qendër të Shqipërisë gjendet kryeqyteti Tirana, ku banojnë pothuajse një e treta e banorëve të të gjithë vendit. Më në lindje, në kufirin mes Shqipërisë dhe Maqedonisë, gjendet liqeni i Ohrit, një nga më të lashtët në botë, shkruan ATA.

Ndërsa kalon mes bunkerëve që ende “ndotin” peizazhin, rruga të çon në Gjirokastër, qytetin e lindjes së diktatorit Enver Hoxha. Më pas mund të shkosh në Butrint, siti arkeologjik më i rëndësishëm në vend, një qytet antik me tempujt e tij. Në fund zbulohet një prej traditave të maleve shqiptare kënga polifonike.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here