Policia e Sarandës ka vënë në pranga sot një 26 vjecar I kapur në flagrancë për “Prodhim dhe shitje narkotikësh” dhe “Prodhimi dhe mbajtja pa leje e armëve luftarakë & municionit”. Në pranga është vënë Arbër Kolaj, 26 vjeç, banues në Sarandë.
Arrestimi i këtij personi u bë nga Shërbimet e Policisë së Sarandës, pasi u kap në flagrancë në lagjen nr. 1 Sarandë, në afërsi të një lokali të quajtur “Rojal”, duke poseduar me vete 4 doza me peshë 6 gram lëndë narkotike të llojit kanabis sativa”, e mbështjellë me letër alumini.
Shërbimet e Policisë, pas kontrollit të ushtruar në banesën e këtij shtetasi në lagjen nr.1 Sarandë, kanë gjetur gjithashtu edhe 6 fishekë pistolete, të kalibrit 7.62 mm, materiale të cilat u sekuestruan në cilësinë e provës materiale.
