Vizita e zëvendëskryeministrit të parë në Qeverisë së Serbisë, Ivica Daçiç, nuk u prit mirë nga të gjithë qytetarët serb në Komunën e Graçanicës. Derisa pritej që Daçiç të mbërrinte në Manastirin e Graçanicës një qytetar shprehu pakënaqësinë me Daçiç, përmes një pankarte në lidhje me një aferë korruptive të zëvendës/kryeministrit serb.
Mirëpo, pjesëtarë të partisë së Daçiç në Graçanicë, larguan pankartën e cila ishte vendosur në ballkonin e një ndërtese përballë Manastirit, ku pritej Daçiç, kurse qytetari i cili vendosi atë u arrestua nga pjesëtarët e Policisë së Kosovës.
Pas largimit të pakartës kundërshtuese për Daçiç dhe arrestimit të personit që vendosi atë, qindra simpatizantë e pritën Daçiç me duartrokitje dhe brohoritje mbështetëse për të. /KosovaPress/