Për kolumbianin, Cesar Augusto Pelaez i arrestuar me iniciativë nga Policia Gjyqësore e Rinasit më datë 10 qershor të vitit të kaluar, dhe që dyshohet se kishte lidhje me një ngarkesë prej rreth 246 kilogram kokainë është kërkuar 15 vite burg nga Prokuroria e Krimeve të Rënda.
Sipas hetimeve të Krimeve të Rënda, u arrit të provohej se shtetasi Triana kishte ardhur në Shqipëri për të marrë 600 mijë deri në 1 milion euro për llogari të dy kolumbianëve të tjerë, të cilët po kryenin trafikimin e rreth 250 kg kokainë nga Amerika Latine në drejtim të Shqipërisë. Ky trafik po realizohej me kontenierët me fruta ekzotike, të porositura në Ekuador nga kompania fierake “RR…Company”.