Tiranë/ Vihen në pranga 3 Inspektorë për korrupsion pasiv dhe shpërdorim detyre

Tre Inspektorë të Inspektoriatit Qendror Teknik janë ndaluar për veprën penale “Korrupsionit pasiv” dhe” Shpërdorimit të detyrës”. Urdhri për ndalim është dhënë nga Prokuroria e Tiranës  ditën e sotmë dhe është ku dhe janë ndaluar nga forcat e Policisë së Shtetit këta persona:

Sandër  Prenga, i datëlindjes 1967;

Dorjan Flamuraj, i datëlindjes 1981;

Alton Kasembi, i datëlindjes 1974;

Sipas organit të akuzës, ketimi ka nisur në bazë të referimit të Drejtorisë së Përgjithshme të Policisë, në bazë të të cilit kishte dyshime se punonjës të IQT-së kryenin kontrolle fiktive dhe nuk raportonin shkeljet e konstatuara, në këmbim të parave.

Në bazë të këtij informacioni, Prokuroria regjistroi procedimin penal dhe zhvilloi hetimet, në bazë të të cilave u krijuan dyshime të arsyeshme se, për shkak të kompetencave që punonjësit e kësaj Drejtorie kanë, të cilët e shtrijnë veprimtarinë e tyre në të gjitha subjektet që tregetojnë  hidrokarbure të ndryshme, gjatë kontrollit që ata ushtrojnë, kostatojnë parregullesi në dokumentacion e subjekteve dhe në cilësinë e hidrokarbureve dhe këto kostatime ata nuk i paraqitin në aktet e kontrollit,  me qëllim përfitimin në mënyrë të paligjshme nga ana e administratorëve të subjekteve,  që varjojnë nga 20.000 deri në 50.000 lekë, në varësi të shkeljeve te kostatuara.

Prokuroria e Tiranës, pasi siguroi informacionin e nevojshëm hetimor, urdhëroi ndalimin e menjëhershëm për punonjësit e IQT-së.

Ndërkohë, Prokuroria e Tiranës po vijon hetime edhe për persona të tjerë të përfshirë në këtë vepër penale.