Në një intervistë për gazetën standart njëri nga aktivistët e lëvizjes Qytatarët për Parkun Ardit Mekshiqi shpreht se në Shqipëri nuk ka shoqëri civile. Në vendin tonë nuk ka ardhur akoma kjo shoqëri.
Sejrie Baleta
Për ditë verës si u organizuat ju si nismë Qytetarët për Parkun?
Që me datë 13 Mars ne vendosëm që të organizoheshim për të informuar qytetarët në mënyrë të drejtpërdrejtë, duke i takuar, njoftuar, ndaluar në rrugë, për ne nuk ishte thjesht një festë por edhe aktivitet argëtimi i ndërsjelltë, duke ju dhuruar njërzve verore, muzikë por edhe duke i ndërgjegjësuar për çeshtjen e këndit të lojrave dhe gjithashtu duke u marrë n feedback për secilën çështje.
Si u prit organizimi jua nga qytetarët pasi dihet që në Ditën e Verës ishte dhe fluksi më i larte i tyre?
Dita e Verës ka disa vite që mbipopullon disa zona të qytetit e një ndër këto është edhe zona te parku i liqenit pjesë e cila kthehet në terren marketingu produktesh.
Ne vendosëm t bëjmë detyrën e “qytetarit të përgjegjshëm” duke i informuar njerëzit për atë që mediat klasike nuk e bëjnë në mënyrën e duhur për të mos thënë e përveç pasivitetit ne transmetimin e së vërtetës janë edhe vegla të dizinformimit në masë, pra për efektet negative të një ndërtimi të një këndi lojrash në atë zonë. Pjesën ku ishim vendoshur ne “Qytetarët Për Parkun” ishte ndoshta pjesa më e populluar aty ku përveçse argëtimit dhe veroreve kishte edhe dialogim me qytetarët që e mendonin si pozitiv atë projekt.
Ishin të pranishme nismat e tjera apo vetëm nisma jua po lobon tani për tani kundër ndërtimit të këndit të lojrave?
Kundërshtimin e këndit të lojrave po e bëjnë disa grupime dhe individë. Por ashtu si “Qytetarët Për Parkun” që aksionet kryesore i bëjnë si një trup i vetëm ka edhe shumë grupe të tjera dhe individë të cilët vetëorganizohen në forma nga më të ndryshmet për këtë kauzë, pra kemi të bëjmë me një lëvizje qytetare në mbrojtje të hapësirave publike dhe të publikes në tërësi.
Ju keni komunikim dhe organizoni protesta të përbashkëta me shoqerinë civile e cila është ngritur disa herë në protestë?
Në fakt ne nuk jemi ajo çka perceptohet si “Shoqëri Civile” ne jemi qytetarë me profesione të ndryshme që jemi bashkuar për të ndaluar dëmtimin e hapësirave të gjelbërta sidomos te “Parku i Liqenit Artifical” dhe komunikim kemi me të gjithë dhe organizohemi për gjërat që na prekin të gjithëve siç janë për arsim publik, transportin publik, kundërshtimi ndaj parkimit nëntoksor te Parku Rinia, mbrojtja e kaskadave lumore të cilat po kthehen të gjjtha në hidrocentrale në interes të biznesmenëve të nryshëm, etj, etj.
Jeni në dijeni cilat janë nismat e tjera dhe si organizohen ata?
Njerzit aktiv në Tiranë nuk është se e bëjnë në fshehtësi angazhimin në mbrojtje të pronës publike ndaj ata janë ftues dhe informues ndaj aksioneve që ndërrmarrin kështuqë nuk është e vështirë të kuptosh dhe të gjesh veten si kontribues në organizim ose si pjësmarrës.
Qytetarët i janë përgjigjur thirrjes tuaj për protesta. Si do të organizoheni ju në vazhdim?
Fatkeqësisht shoqëria shqiptare është shumë apatike edhe për shkak të mungesës së shpresës që ka ardhur nga protagonistët e asaj që perceptohet si Shoqëria Civile që thjesht përdorte protestat për tu tranpoluar në ndonjë parti ose për benefite të natyrave nga më të ndryshmet. Kemi raste konkrete ku levizje të mëdha e me ndikim te qytetarët janë kthyer në parti duke i zhgënjyer me të drejtë. Jo thjeshtë si fakt transformimi në parti por falsiteti ndaj kauzave që kanë përdorur për qëllime dytësore. Për iden organizimi nuk kam cfarë të them se kjo do vendoset në mbledhjen e ardhshme pasi vendimet janë kolegjiale dhe respektohet mendimi dhe argumenti i cilit do qytetari që angazhohet.
Do ta leni që të rringjallet “Rilindja” që pak ditë më parë ajo për ju vdiq?
Rilindja në këtë vend ka ardhur vetëm një herë. Kjo e sotshmja ishte një propagandë e cila vdiq që pa lindur që në embrion. Për t’iu përgjigjur pyetjes suaj mund të them se nëqoftëse mund të ngjallet një person i vdekur po por gjithsesi këtë ka për ta treguar vullneti qytetarë.
Do të bashkëpunoni me nismat e tjera të cilat dhe ato janë organizuar kundër ndërtimit tek parku?
Siç ju thash “Qytetarët për Parkun” janë qytetarë të cilët luftojnë të mbajnë të paprekshme publiken një ndër to është edhe Parku i Madh, kjo levizje është formuar rreth 1 vit më parë dhe ka organizuar mbi 21 protesta për ndërtimet nën digën e liqenit artificial, ku ka mirpritur të gjitha grupet, nismat apo edhe personazhe publike ti bashkohen. Patjetër që jemi të hapur për bashkpunim për arritjen e së mirës publike.
Prëshatatet filozofia e nismës suaj me atë të shoqëris civile që është ngritur në këmbë kundër parkut?
Për cilën shoqëri civile e keni fjalën? Nëse në këtë vend do ketë një të tillë kjo levizje dhe këta njerëz të thjeshtë e të lirë që i bashkohen kësaj iniciative të përbashkët në mbrojtje të publikes mund të quhet si fillimi i Shoqërisë së vërtet Civile Shqiptare e cila fatkeqesisht nuk ka lindur akoma edhe pse kemi mbi 25 vite pluralizëm.
Është e vërtetë që shoqëria civile është e përçarë në një moment ku duhet të jetë më e bashkuar se kurrë?
Shoqëria civile? Janë rreth 1500 organizata që ushtrojnë aktivitetin e tyre në kryeqytet dhe heshtin, nuk kanë kredibilitet sepse janë të shitura ose fiktive. Nëse e kam gabim parku është aty dhe secili të vijë e ta mbrojë për veten e tij në radhë të parë e në rradhë të dytë për atë çka janë zotuar si organizata.
Çfarë do të bëni në vazhdim në lidhje me ndërtimet që po bëhen tek parku?
Është këmbëngulja e qytetarëve ajo që jep forcë për të vazhduar me protesta deri në realizimin e objektivave. Ne po bëjmë detyrën qytetare të informimit, solidarizimit dhe bashkpunimit në fuksion të mbrojtjes së publikes.
Cilat do të jenë format që do ti kundërshtoni në vazhdim?
Kjo le të jetë e pazbuluar, meqë edhe protestën tjetër e kemi shumë afër, por një gjë ju siguroj , “Nuk keni parë gjë akoma”…