Blushi: Rama dridhte këmbën te Fevziu se ka makth para gare

Në momentin kur transmetohej në Opinion video e Ben Blushit në Elbasan, Edi Rama nisi të lëvizë këmbën në mënyrë të pandërgjegjshme. “Është makthi i një njeriu para garës” e komentoi Ben Blushi këtë si një shenjë nervozizmi. Njësoj si ai mund të dridhet edhe Taulant Balla dhe Erjon Braçe u shpreh Blushi në intervistën e Zonë e Lirë, përballë Arjan Çanit.

Çani: Ka dy vjet që nuk ta përmend emrin. Këmbën e dridhte kur fliste për ty…

Blushi: Është makthi i një njeriu para një gare.

Çani: Nuk ka garë?

Blushi: Në çdo kuptim ka një garë. Më vjen keq që është aq në ankth. Kjo është e vetmja gjë që do të mbahet mend nga ai emision. Shpresoj të mos jetë ngjitëse, se do të dalin të gjithë. Do të kthehet ngjitëse në Parlament, të gjitha ata që flasin kundër meje do ta bëjnë këmbën ashtu. Kam frikë mos kthehet në detyrë partie.