Bin Laden kishte frikë se gruaja e tij kishte mikrocip tek dhëmbët dhe se mund të spiunohej. Shqetësimi ka dalë në një letër që lideri i Al Kaedës i ka dërguar një ndihmësi të identifikuar si “Shejh Mahmud ‘, pas një vizite që gruaja e tij kishte bërë tek një dentist në Iran.
Në të vërtetë ai kishte frikë se një GPS gjurmues, mund të ishte futur në mbushjen e dhëmbëve të gruas së tij . ” Madhësia e çipit – thuhet në letrën të cilën Bin Laden, ka përdor pseudonimin Ebu Abdullah – ka gjatësinë e një kokrre gruri”.
Letra është pjesë e një prej dokumenteve të lëshuar nga Zyra e Drejtorit të Inteligjencës Kombëtare dhe ishte gjetur në një vendstrehim në Abbottabad tw Pakistanit, gjatë bastisjes që është bërë në maj të 2011, ku shefi i Al Kaedës mbeti i vrarë.