Edhe Gjykata e Apelit në Shkodër ka lënë në fuqi vendimin e shkallës së parë. Sokol Mjacaj, vrasësi i dy turistëve çekë Michael Svatos dhe Anna Kosinova do të vuajë dënimin me burgim të përjetshëm.
Elvira Jakova, avokatja mbrojtëse e Mjacajt kërkoi dënim tjetër si dhe pranimin e ekspertizës së një grupi psikologësh për të riun, pasi gjendja e tij kishte qenë e rënduar para se të ndodhte krimi.
Por Gjykata nuk nuk e mori parasysh kërkesën e saj. Sidoqoftë avokatja është shprehur se do ta çojë çështjen në Gjykatën e Lartë.
Vrasja e dy turistëve çekë ndodhi më 25 korrik të vitit 2015.