Prezantuesja ofendon Penelope Cruz

Pamja e saj latine bëri për vete një yll si Tom Cruise, ndaj është e kuptueshme habia e Penelope Cruz, kur prezantuesja Savannah Guthrie, i quajti këmbët e saj “të shëmtuara”. Cruz ishte e ftuar në programin “Today”, të rrjetit televiziv amerikan NBC, kur Gurthie i kërkoi 41 – vjeçares të komentonte faktin se kishte këmbë të shëmtuara. E habitur, Cruz mohoi të ishte e vërtetë, por prezantuesja insistoi se ishte vetë aktorja që e kishte deklaruar një fakt të tillë. Madje aktorja theksoi se, jo vetëm që se kishte thënë ndonjëherë një gjë të tillë, por ajo ndihej shumë mirë me këmbët e saj.