Pavarësisht blindimit të qytetit dhe shtimit të masave të sigurisë, policia në Këln nuk ka arritur të shmangë dhunën në natën e parë të festës së karnavaleve.
Sipas zyrtarëve të lartë të policisë së qytetit gjerman, vetëm në një natë janë shenuar 22 incidente seksuale, një numër shumë më i lartë se festën e vitit të shkuar.
Një person i dyshuar është arrestuar pasi një grua u sulmua dhe u përdhunua teksa po kthehej në shtëpi pas përfundimit të festës.
Qyteti i Këlnit, por edhe e gjithë Gjermania u shokua pas ngjarjeve të shënuara gjatë natës së ndërrimit të viteve, ku një bandë prej 1 mijë personash sulmoi seksualisht më shumë se 100 gra në Këln.
Deri tani 190 persona ndodhen në paraburgim, teska vetë gjermanët akuzojnë emigrantët për ngjarjet e rënda. Për të parandaluar pikërisht këto krime, për festën tradicionale të karnavaleve, 2,500 oficerë policie u vendosën në terren, u shtuan kamerat e sigurisë nëpër rrugë dhe ndriçimi i tyre gjithashtu.
Në këtë periudhë festive Këlni vizitohet nga 1.5 milion turistë, edhe pse autoritet parashikojnë rënie të numrit të tyre pikërisht për çështje sigurie.