Një grindje në familje mes kunatash për pak sa nuk ka përfunduar në tragjedi. Lytfi Skopeci 32 vjeç tentoi të vrasë me sëpatë kunatën e tij pas një sherri banal. Ngjarja ndodhi në fshatin Farret të Librazhdit. Ndërhyrja e policisë ka qenë e menjëhershme duke bërë të mundur parandalimin e krimit brenda në familje. Autori i dyshuar është arrestuar në flagrancë dhe është shoqëruar menjëherë në komisiariatin e Librazhdit ku u mor në pyetje për zbardhjen e çështjes. Sipas policisë Skopeci ka kanosur me sëpatë kunatën e tij, shtetasen M.S, vjeç 31 banuese në fshatin Farret, në oborrin e shtëpisë së tij. Ka qenë ndërhyrja e menjëhershme e policisë ajo që bëri të mundur parandalimin e ngjarjes kriminale. Ndaj shtetases M.S, vjeç 31, banuese në fshatin Farret Librazhd, u plotësua dhe një urdhër- mbrojtje, pasi bashkëshorti i saj, shtetasi F.S, vjeç 40, ka ushtruar dhunë fizike dhe psikologjike ndaj saj. Nga veprimet e para hetimore, (sëpata) u sekuestrua në cilësinë e provës materiale. Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Dhuna në familje” parashikuar nga neni 130/a i Kodit Penal.