Imagjinoni një bombë me masë 60 Megaton, e barasvlefshme me 4 mijë bomba, si ajo që u përdor në Hiroshima. Kaq i fuqishëm do të ishte sulmi amerikan mbi Europën Lindore, që përfshinte Bashkimin Sovjetik dhe Kinën. Plani i sulmit është deklasifikuar tashmë nga arkivat amerikane. Mes qyteteve për t’u sulmuar nga bombat atomike ishin edhe 2 shqiptare, Tirana dhe Kuçova, ndoshta për shkak të ekzistencës së aeroportit në secilin prej tyre. Plani daton në vitin 1959, gjatë kohës së Luftës së Ftohtë.