Pas një viti martesë ndahet nga gruaja Jenson Button

0

 

Loading...

 

JJJViti 2015 për Jenson Button do të mbetet një vit krejtësisht për t’u harruar, si në aspektin sportiv, ashtu dhe në atë personal.

Piloti britanik, nëpërmjet përfaqësuesit të tij bëri të ditur ndarjen nga bashkëshortja e tij, Jessica Michibata, pas një viti martesë. Përpara se të njihej me modelen japoneze, në vitin 2008, Button kishte famën e një “play boy” të vërtetë, por bukuroshja Jessica e ndryshoi tërësisht në këtë aspekt 35-vjeçarin, duke e bërë një person më të pjekur.

Në vitin 2009 Button u shpall kampion bote në Formula 1 dhe fotot e festës së tij me Michibatën bënë xhiron e botës. Çifti Button-Michibata u martua me një ceremoni tipike hauajane dhe të dy kanë qenë bashkë në çdo udhëtim të bërë, në vendet ku zhvilloheshin garat e Formulës 1.

Gjithçka dukej perfekte mes tyre, ndaj dhe ndarja rezultoi një surprizë e vërtetë.

“Button dhe Jessica kërkuan t’i japin më shumë kohë lidhjes së tyre dhe vendosën që të merrnin rrugë të ndara. Kjo është një ndarje e bërë në mënyrë miqësore”, deklaroi zëdhënësi i pilotit të McLarenit për median britanike. Mendohet se ndarja ka ardhur si pasojë e impenjimeve në punë të çiftit.

 

Loading...