Kryeprokurori i Shqipërisë, Adriatik Llalla duket se nuk i kanë bërë përshtypje deklaratat e forta për reformën në drejtësi. Llalla foli për reformën në drejtësi, gjatë takimit konsultativ me krerët e Prokurorive, ku ishte edhe ministri i Drejtësisë, Ylli Manjani.
“Po merren veprime të nxituara. Ka munguar procesi i konsultimit, – është shprehur kryeprokurori i cili më pas tha se edhe mund të ketë “elementë problematikë” në prokurori, por “institucioni ka kapacitetet për t’i luftuar”.
Dy prokurorë janë ndaluar për korrupsion kohët e fundit. Petrit Vukaj në Fier dhe Haxhi Giu, në Krujë.
Në paketën ligjore për reformën në drejtësi, parashikohet që Adriatik Llalla duhet të largohet nga detyra, menjëherë pas miratimit.