Shpëtoni partiturat! Veprat e të mëdhenjve si Cesk Zadeja, Tish Daija, Tonin Harapi e Kozma Lara, rrezikojnë ekzistencën e tyre nëse nuk dixhitalizohen.
Apeli ripërsëritet nga e bija e kompozitorit Feim Ibrahimi, që po përpiqet individualisht të shpëtojë dorëshkrimet e të atit, që përbëjnë një pjesë të pasurisë dhe historisë së muzikës klasike shqiptare.
Për Ibrahimin, dixhitalizimi duhet të nisë me dorëshkrimet në Bibliotekën e Universitetit të Arteve.
Apeli vjen në ditën kur Universiteti i Arteve, në një ceremoni modeste, ku asnjë përfaqësues i Ministrisë së Kulturës nuk e nderoi, kujtoi 80 – vjetorin e lindjes së kompozitorit të madh, Feim Ibrahimit.