Tryezat rajonale për prezantimin dhe konsultimin publik të paketës së ndryshimeve kushtetuese do të nisë në qytetin e Elbasanit ditën e sotme. Takimi i cili zhvillohet në orën 11:00, në hotelin “Univers” do të ketë të pranishëm gjyqtarë, prokurorë, avokatë, përfaqësues të shoqërisë civile, si dhe pedagogë të fushës së drejtësisë. Në bashkëbisedim e diskutim me ekspertët e nivelit të lartë, të pranishmit në këtë konsultim do të japin mendimet dhe sugjerimet e tyre lidhur me paketën e ndryshimeve kushtetuese, të cilat më pas do të shqyrtohen për t’u reflektuar në dokumentin për ndryshimet kushtetuese.