Klubi spanjoll, Real Madrid, ka nisur negociatat me yllin e Chelsea-t, Eden Hazard. Sipas mediave spanjolle, tashmë madrilenët janë në kontakt me mesfushorin belg për mundësinë e kalimit të tij në Madrid. Krerët e Real Madridi janë të vetëdijshëm se Hazard është i pakënaqur te Chelsea, dhe raportohet se “Los Blancos” do të provojnë që në afatin e janarit ta blejnë belgun. Hazard ka qenë njëri ndër lojtarët më të mirë tek Chelsea viteve të fundit, por lojtari në këtë sezon të garave është larg formës së tij. Mësohet se janë ftohur raportet mes 24 vjeçarit dhe Jose Mourinhos dhe duket se Hazard është duke e menduar largimin nga Londra.
