Olivier Giroud është shprehur se Theo Walcott ka merituar vendin në përbërjen e Arsenalit. Giroud bëri aktivizimin e tij të parë në Premier Ligë që nga gushti pasi shënoi kundër Evertonit. Francezi vazhdon të jetë i frytshëm duke shënuar golin e parë të dielën. “Unë kurrë nuk e kam fshehur. E dija se Theo ishte duke bërë mirë në fillim të sezonit, kjo është arsyeja pse unë nuk isha i zemëruar që nuk luaja, edhe pse kjo ishte diçka e re për mua”, – tha Giroud. Arsenal pas 10 javëve në Premier Ligë, ndodhet në pozitën e dytë në tabelë me 22 pikë të tubuara sa ka edhe Manchester City në pozitën e parë.