Intervista / Rama: Nuk ka lider mafieje në Shqipëri, ata janë në Evropë

0
118

 

 

Rama intervisteEvropa duhet të jetë strategjike në lidhje me Ballkanin, nuk është “business as usual”

 

Në emisionin televiziv “Conflict Zone” të “DW”, Kryeministri shqiptar Edi Rama në bisedë me Tim Sebastian foli për sistemin e korruptuar të drejtësisë në vend, ëndrrën për Evropën, si dhe fantazmat e së shkuarës në Ballkan.

Gazetari britanik që punon për “Deutsche Welle”-n dhe drejton emisionin e ri televiziv “Conflict Zone”, Tim Sebastian e ftoi Kryeministrin Rama në një intervistë me tone replikuese, ku preken temat më të nxehta aktualisht në Shqipëri, si lufta kundër krimit të organizuar dhe drogës, lufta kundër korrupsionit në sistemin e drejtësisë, por edhe më gjerë, bashkëpunimi në Ballkan dhe rrezikun e rikthimit të fantazmave të së shkuarës në rajon.

“Jam absolutisht i bindur se Evropa ka nevojë për Ballkanin sot, ashtu si edhe Ballkani ka nevojë për Evropën”, – u shpreh Kryeministri i Shqipërisë dhe kreu i Partisë Socialiste Edi Rama në intervistë me “Deutsche Welle”-n, duke theksuar se gjithnjë e më shumë njerëz në Ballkan kanë një lloj lodhjeje me durimin e vazhdueshëm, prandaj nevojitet të lëvizim më shpejt dhe përpara.

“Ballkani është Evropë”

“Dua të them se Ballkani është Evropë dhe nëse Ballkani sot është një histori e suksesshme e paqes dhe e bashkëpunimit në botën tonë, ka një arsye për këtë, dhe arsyeja është, sepse ne të gjithë duam të jemi pjesë e Evropës, dhe nëse paqja erdhi mes shqiptarëve dhe nëse për herë të parë, unë vizitova Beogradin pas 68 vjetësh si Kryeministër shqiptar, dhe Kryeministri Vučić erdhi në Tiranë, si Kryeministri i parë serb që shkeli në Shqipëri, kjo tregon diçka, sigurisht i tregon botës sonë, por tregon para së gjithash aspiratën e njerëzve tanë për të qenë pjesë e Evropës…”

Kërcënim ndaj Evropës me fantazmat e së shkuarës në Ballkan?

Një pikë e nxehtë e intervistës është debati i zhvilluar pas pyetjes së gazetarit të “Deutsche Welle”-s mbi fantazmat e së shkuarës në Ballkan, të cilin gazetari e cilëson si një kërcënim të Ramës për Evropën nëse ajo nuk shpejton me integrimin.

Tim Sebastian: Dhe përveç këtyre të gjithave, është kërcënimi që ju bëtë në maj, kur i thatë gazetës turke, “Hyriet”: “Për sa kohë që ëndrra jonë evropiane është gjallë, Ballkani nuk do të ketë shqetësime, por nëse kjo ëndërr zhbëhet, do të kemi shqetësime.“ Me fjalë të tjera: Na jepni atë që duam, ose ne do t’iu shkaktojmë probleme.“

Edi Rama: Jo, kjo nuk është kështu

Tim Sebastian: Ky është kërcënim, pse nuk është kështu?

Edi Rama: Nuk është kërcënim.

Tim Sebastian: Tingëlloi shumë si i tillë.

Edi Rama: “Tingëlloi i gabuar atëherë, por nuk është kërcënim. Kjo është një e vërtetë e thjeshtë, ne vijmë nga një histori e gjatë e gjakderdhjes, konflikteve e kështu me radhë. Kështu fantazma është e shkuara përreth nesh e ose gjenerata jonë do të bëjë gjënë e duhur dhe do të bashkohemi të gjithë në Evropë dhe kjo merr fund, ose do të jetë fantazma e së shkuarës ajo që do të marrë gjendjen në dorë. Kjo është shumë e thjeshtë… Jam duke e përsëritur se Evropa duhet të jetë strategjike në lidhje me Ballkanin, nuk është “business as usual”, është një hapësirë, që ju e dini shumë mirë, se ka qenë problem i madh me shekuj për njerëzit që jetonin në këtë hapësirë, por edhe për kontinentin. Tani është një hapësirë që ndodhet në një moment të ri fantastik të paqes dhe bashkëpunimit, por kjo paqe është shumë e madhe për supet tona”

Sistemi i drejtësisë si industri përfitimi

Një nga frontet më të vështira të reformave në Shqipëri është ajo e sistemit të drejtësisë. Në “Conflict Zone”, Kryeministri Rama deklaron se „ne nuk kemi vetëm gjykatës të korruptuar, ne kemi një drejtësi të tërë të korruptuar, që punon si korporatë, si një industri përfitimi. Dhe ne jemi duke e ndryshuar këtë, duke filluar me reformën që do të kalojë këtë vjeshtë.“…“Drejtësia është ҫështja jonë ende e hapur. Dhe unë ua kam thënë gjithmonë bashkëqytetarëve të mi: Nëse ne nuk jemi në gjendje të kemi një drejtësi dinjitoze për vendin, nuk do të jemi kurrë në gjendje të bëhemi pjesë e Bashkimit Evropian”. Në intervistë gazetari preku edhe temën e krimit të organizuar dhe luftën kundër plantacioneve të drogës në Shqipëri, duke marrë përgjigjen nga Kryeministri Edi Rama, se janë duke u fshirë nga sipërfaqja plantacionet me kanabis, gjë që solli edhe vlerësime nga Bashkimi Evropian. Por gazetari këmbënguli:

Tim Sebastian: OK, po sa liderë të mafies keni marrë nga rruga. Sa liderë të mafies?

Edi Rama: Liderë të mafies?

Tim Sebastian: Po, dua të them se sa keni burgosur?

Edi Rama: Ne nuk kemi liderë të mafias në Shqipëri, liderët e mafias janë në Europë.

Tim Sebastian: Oh vërtet?

Edi Rama: Natyrisht.

Tim Sebastian: Pra ju nuk keni krim të organizuar? Kështu kur departamenti i shtetit thotë: Shqipëria është një burim dhe vend destinacion për trafikimin, ju nuk keni kriminelë?

Edi Rama: Jo, jo, jo, ju folët për liderë të mafies. Liderët e mafies janë në anën tjetër të Adriatikut. Ne kemi krimin e organizuar të lidhur me të dhe të mos flasim më për mafien kombëtare. Nuk ka mafie kombëtare. Nuk ka person të krimit të organizuar që kapet që të mos ketë, tre, katër ose pesë kode në telefonin e tij celular. Kështu ka një ndërlidhje” / DW

Web Agency, Digital Agency, Web Development Agency

LEAVE A REPLY

Please enter your comment!
Please enter your name here