Kandidati demokrat, Eduart Kapri, ka fituar zgjedhjet e mbajtura për Bashkinë e Pogradecit.
Fitorja e Kaprit ka shënuar një përmbysje të parashikimeve në zgjedhjet vendore të 2015-ës. Kjo bashki, që njihet rëndom si bastion historik i së majtës, është kthyer djathtas në këto zgjedhje.
Kandidati i APPD-së ka fituar besimin e qytetarëve. Eduart Kapri, edhe pse u kërcenua përmes një sms-je gjatë fushatës , nuk u tërhoq nga gara.
Kapri fitoi me diferencë prej 1490 votash ndaj kandidates së ASHE-së . Për kandidatin e APPD-së kanë shkuar 17 806 vota, ndërsa për Diana Milen e ASHE-së shkuan 16 316 vota.