Megjithë kërkesat e vazhdueshme të faktorit ndërkombëtar, e sidomos pas toneve të forta kritike të ambasadorit amerikan, Donald Lu, në listat e zgjedhjeve ka ende kandidatë me rekorde kriminale. Këtë e konfirmon vetë kryeprokurori shqiptar.
Kryeprokurori Adriatik Llalla ka bërë sot të ditur se në listat e kandidatëve për kryetarë bashkie dhe anëtarë të këshillave bashkiake ka persona me rekorde kriminale, apo që janë nën hetim.
Institucioni që ia drejton ka një listë me emrat e këtyre individëve. Kreu i akuzës ka bërë të ditur se këtë listë ua ka dërguar institucioneve që e kishin kërkuar këtë informacion.