OSBE, nismë për regjistrimin e shqiptarëve në Preshevë

Përfaqësues të OSBE-së në Serbi, bashkë me përfaqësuesit e Ambasadës së SHBA-ve dhe asaj britanike në Beograd, kanë marrë një iniciativë për regjistrimin e shqiptarëve në Luginë të Preshevës, transmeton RTK.

Deputetët shqiptarë në Parlamentin e Serbisë thonë se kjo ka të bëjë me integrimin e Serbisë në Bashkimin Evropian.

Në regjistrimin e popullatës në vitin 2011, shqiptarët në Serbi, me një vendim unanim e patën bojkotuar procesin, duke u bazuar në mosgatishmërinë e Serbisë për përmbushjen e kushteve të regjistrimit, pasi regjistrimi përjashtonte të shpërngulurit dhe ata që përkohësisht jetojnë jashtë vendlindjes.