Kryetarja e Komunës së Tetovës nga radhët e BDI-së, njëherazi ish ministrja për çështjet europiane, Teuta Arifi, vlerëson se vetëm përcaktimi i datës së mbajtjes të zgjedhjeve të parakohshme nuk e bën të vlefshme marrëveshjen e arritur nga liderët.
“Është shumë e qartë se kjo marrëveshje duhet të plotësohet për disa ditë, ndërsa në zgjedhjet e ardhshme do të duhet të shkohet me kushte shumë të saktësuara, që duhet të plotësohen gjatë muajve të ardhshëm“. “Pyetja kryesore është se sa mund që ky proces të jetë i suksesshëm? A mundet që një Qeveri për 10 muaj t’i zgjidhë këto çështje që nuk janë zgjidhur gjatë 25 viteve?”, deklaroi Arifi.
Ndërkaq, Teuta Arifi vlerëson se një përfshirje e faktorit ndërkombëtar mund ta bënte funksionale këtë marrëveshje.