Faik Krasniqi
Po më plasin shqiptarët kur po thonë: populli është i mirë, por
politikanët i kemi të këqinjë! Ju lutem, po këta politikanë që i
kemi të janë tanët, e nuk kanë ardhur as nga Azia e as nga Afrika!
Por ne jemi fajtor që ata sot udhëheqin me jetën tonë dhe çdo ditë
e më shumë na e shkatërrojnë! Ne jemi fajtor që ua kemi dhënë
atë mundësi lloj-lloj debili, krimineli, analfabeti, idioti, mafiozi,
rrugaçi të bëhet politikanë, e për gati dy dekada të tërë, të
na vrasin, të na vjedhin, të na plaçkitin, të pasurohen me djersën
tonë, të tallen me ne…
Vetëm pyesni veten: pse në vendet e zhvilluara populli nuk lejon
politikanë të tillë dhe poshtërsira të tilla? Prandaj këta që sot
ne i kemi, ne jemi fajtor e askush tjetër, e mos ta fajësojmë
askënd, sepse ne i kemi votuar deri më tash dhe me votën tonë i kemi
mbajtur në pushtet, e vazhdojmë akoma t’i mbajmë, edhe pse e kemi
ditur që janë të tillë! Duhet ta pranojmë që jemi popull injorant,
nënshtrues, puthadoras dhe servil!
Me mjeranët e politikës dhe diktatorët, nuk ecet përpara!
Mjeranët e politikës, bllokmenët, përfituesit në kurriz të një
fryme, e që nuk janë askund në atë frymë që thirren, matufët pleq,
hajnat e paskrupullt, bandidat, kriminelët, linçuesit, faqezinjtë,
njerëzit e pabesë që nuk e mbajnë fjalën, por e tradhtojnë një
popull të tërë për hir të interesave të tyre të ngushta dhe të
një tufë servilësh rreth tyre!
Diktatorët kur janë në pushtet ose lider të ndonjë partie,
krijojnë një tufë servilësh, për t’i mbajtur ata sa më gjatë në
pushtet! Kjo është aktuale dhe realitet në dekadat e fundit, në
hapësirat mbarëshqiptare, me diktatorët tanë dhe servilët e tyre,
prandaj jemi në këtë gjendje të rëndë ekonomike, politike dhe në
çdo aspekt, jo vetëm për faj të këtyre diktatorëve që duan të
vdesin në pushtet dhe me poste, por më shumë për fajin e servilëve
të tyre, sepse pa ekzistimin e këtyre servilëve të fëlliqur, nuk do
të ekzistonin as këta diktatorë!
Koha për brezin e ri!
Deri më tash Kosova është udhëhequr nga matufat pleq me prostatë
të shqyer, nga kriminelët, banditët, hajnat, të korruptuarit,
injorantët, analfabetët, psikopatët, mjeranët, e asnjëherë nga të
rinjtë me vizione të qarta për zhvillimin e shtetit, nga njerëzit e
dijes me integritet të lartë profesional dhe njerëzor, nga njerëzit
që duan, dinë dhe e dërgojnë Kosovën përpara! Ka ardhur koha që
të gjithë këta që i përmenda, nga shoqëria civile, nga mediat dhe
njerëzit e rinj të partive politike që janë të panjollosur, të
bëhemi bashkë për të mirën e Kosovës, të organizohemi dhe t’i
heqim qafe këta banditë, kriminelë, matufë pleq, hajna, të korruptuar,
injorantë e analfabetë, nga pushteti dhe skena politike, sa nuk është
bërë vonë për Kosovën, sepse Kosova është buzë greminës dhe
nëse ne nuk e shpëtojmë këtë vend, fëmijët tanë që sot janë
të vegjël, nesër do të na mallkojnë! Për hir të fëmijëve tanë,
për hir të Kosovës, të bëhemi bashkë dhe ta shpëtojmë Kosovën
nga këta mafiozë dhe lakmitarë!
Ma matufë pleq, me kriminelë, me banditë dhe të korruptuar, nuk ecet
përpara! Këtij vendi i duhet gjak dhe mish i ri, klasë e re
intelektualo-politike, e padjallëzuar, e panjollosur dhe e
pakriminalizuar! Sa më shpejt duhet që kjo klasë e re
intelektualo-politike, të del në sipërfaqe dhe t’i marrë frenat e
shtetit në dorë! Alternativë tjetër nuk ka, sepse Kosova me këtë
klasë politike dhe me këtë qeverisje, dita-ditës po shkon drejt
humnerës!
Ka ardhur koha që brezi i ri ta udhëheq Kosovën, drejt integrimeve
euroantlantike dhe zhvillimi të hovshëm ekonomik, duke e zëvendësuar
këtë kastë të vjetër politike, të tejkriminalizuar, korruptuar,
degraduar dhe mafioze, të cilët për 16 vite rresht e plaçkitën, e
mjelën, e rropën, e degraduan, e ngulfatën dhe e shkatërruan
Kosovën, në çdo qelizë të saj!
Hapeni krahun e largohuni nga politika!
Popullit i kanë ngelur dy rrugë: ose t’i heq njëherë e
përgjithmonë këta kriminelë të politikës, që janë shndërruar
në kancer të shtetit dhe gjithë shoqërisë, ose t’i marrin familjet
dhe të ikin nga ky vend, sepse me këta banditë, hajdutë, rrugaçë e
kriminelë, kurrë s’do përparojë! Prandaj hapeni krahun e largohuni
se na i keni zënë frymën e na keni shkatërruar, matufa pleq, hajna,
bllokmena, mjerana, kriminela, linçues, të pabesë, të korruptuar,
gënjeshtar, kopuka, idiota, rrugaça, injoranta, pisa, lakmitarë,
analfabeta!
Ikni me të mirë e mos e detyroni popullin t’ju largojnë me shqelma!
Ikni sa më shpejt, aq më mirë! Mjaft më, kështu nuk shkon më, se
na shkatërruat! Largohuni nga politika dhe lëshojeni rrugën njerëzve
të rinj, me vizione, njerëzve të ndershëm, të fjalës dhe me
integritet të lartë! Largohuni sa nuk ju ka larguar populli, e keni
mundësinë të largoheni vetë pa ju larguar askush!
Po e përfundoj me një fjali të Faik Konicës: “O pushtetar, or mut!
Kur votoj për surratin tënd, jam i përgatitur që të të mbaj në
shpinë për katër vjet, po vetëm ty ama… jo vilat e tua, makinat,
yacht-et, qentë, kuajt, gratë, dashnoret e tua, burrat e tyre me
gjithë makina, tarafin e servilave të tu me laçkë e plaçkë… nuk
jam aq i fuqishëm dhe aq i durueshëm sa mendon ti joooo…! Ndaj
kujdes se kur të të shkarkoj, nuk do biesh aq butë sa hipe…!
