Standard.al

Ja si të humbni kilogramët për shtatë ditë

0

Ja si të humbni kilogramët për shtatë ditëPërbërësit e supës për humbje në peshë: 6 karota, 6 qepë të mëdha, 1 kuti salce domatesh kokërr 1 kg, 1 lakër e vogël ose, në mungesë, një lulelakër, 2 kuti bishtaja ose bizele, 2 speca jeshilë, 1 tufë selino, në mungesë – majdanoz. Pritni perimet në copa të vogla dhe veni në një tenxhere të madhe. Mbulojini me ujë dhe ziejini për 10 minuta, pastaj uleni zjarrin dhe lëreni të ziejë derisa të zbuten perimet (rreth 20 min). Ndërkohë që zien uji, zëvendësoni dy filxhanë uji me lëng mishi ose pule, apo nëse preferoni, dado supe. Këtë supë mund ta hani sa here të keni uri. Mund ta hani sa herë të doni, sepse me të nuk shton kalori. Sa më tepër ha, aq me shumë humbë në peshe. Trupi humbë më shume kalori për ta tretur këtë supë, në krahasim me kaloritë që përmban vetë supa. Në asnjë mënyrë nuk duhet të konsumoni bukë, alkool apo pije te gazuara.

 

Dita e parë

Merrni vetëm supë (sa te doni) dhe fruta përveç bananes (pjepri, shalqiri, kanë më pak kalori se të gjitha frutat e tjera). Mund të pini çaj ose kafe pa sheqer. Ujë sipas dëshirës.

 

Dita e dytë

Vetëm perime. Hani derisa te ngopeni perime të pa-gatuara. Përpiquni të hani sa më shumë perime me gjethe jeshile, por qëndroni larg nga bishtajat, bizelet dhe misrat. Pini sa më shume supë që të mundeni. Në darkë, hani një patate të madhe, të pjekur në furrë me një lugë të vogël vaj. Mos hani fruta.

 

Dita e tretë

Pini supë, si dhe hani fruta dhe perime sa të doni. Mos hani patate. Nëse keni ngrënë sipas udhëzimeve dhe nuk e keni thyer dietën, do të shihni që keni humbur 2-3 kg.

 

Dita e katërt

Banane dhe qumësht krejtësisht pa yndyrë. Hani 3 banane dhe pini qumësht pa yndyrë sa të doni gjatë gjithë ditës dhe padyshim, pini supë. Banania dhe qumështi pa yndyrë kanë një sasi të madhe kalorish, por gjatë këtyre ditëve keni nevoje për kalium, karbohidrate, proteina për ta zvogëluar dëshirën për ëmbëlsira.

 

Dita e pestë

Mish dhe domate. Mund të hani 300-400 g mish (në skarë) dhe 6 domate.
Përpiquni të pini të paktën 6 gota ujë, për të eliminuar acidin urik nga trupi juaj. Merrni supë të paktën një herë.

 

Dita e gjashtë

Mish dhe perime. Hani mish dhe perime sa të doni. Mund të hani 2 deri në 3 biftekë me perime me gjethe jeshile. Jo patate. Pini supë të paktën një herë.

 

Dita e shtatë

Oriz integral, lëng frutash pa sheqer dhe perime. Mund të hani sa herë të doni. Pini supë sa më shumë që të keni mundësi.
Në fund të shtatë ditëve, nëse nuk i keni thyer rregullat e dietës, do të keni humbur 5-7 kg. Nëse keni humbur më shumë se 7 kg, ndërpriteni dietën 2 ditë, para se ta rifilloni nga dita e parë.
Kjo diete 7 ditore mund të zbatohet sa herë te doni. Nëse e zbatoni në mënyrë korrekte, do ta pastroni trupin tuaj nga papastërtitë dhe do t`ju japë një ndjenjë mirëqenieje dhe lehtësie që nuk e keni pasur më pare.
Vetëm pas 7 dite diete, do të filloni të ndjeni një bollëk energjie. Kjo është një dietë e shpejte dhe djeg dhjamërat. Sekreti i dietës është se ajo djeg më shumë kalori nga ato që merr.
Kjo dietë është përgatitur nga spitali “Sacro Cuore Memoriar” dhe është përdorur tek të sëmurët nga zemra me mbipeshë, për t’ua mundësuar që të humbasin peshë shpejt, para ndërhyrjeve kirurgjike.

 

Dieta e pasur me fibra e zgjat jetën

Dieta e pasur me fibra rrit shanset e shërimit pas një sulmi në zemër dhe e zgjat jetën për rreth nëntë vjet, deklaruan shkencëtarët amerikanë. Sipas rezultateve të hulumtimit të publikuar në revistën “British Medical Journal”, rritja e përditshme e konsumit të ushqimit me fibra për 10 gramë është e lidhur me një rrezik të reduktuar të vdekjes për 15 për qind. Ushqimi me fibra e rregullon shtypjen e gjakut dhe nivelin e kolesterolit, thonë studiuesit dhe shtojnë se është më e thjeshtë, për fillim, që të zëvendësohet konsumimi i bukës së bardhë me atë të grurit integral. Ekspertët rekomandojnë konsumin ditor prej 38 gramë fibrash, raporton “BBC”. Burimet e mira të fibrave janë frutat, si bananet dhe mollët, perimet si karotat dhe patatet, buka integrale, drithërat dhe krundet. Patatet me lëvore dhe fasulet e pjekura përmbajnë rreth 10 gramë fibra, ndërsa dy feta bukë integrale përmbajnë rreth katër gramë fibra. Ushqimi që nuk përmban fibra është i lidhur me problemet me tretje dhe gazra, të cilat mund të çojnë në shfaqjen e kancerit, por edhe çrregullimet e zemrës. Studimi konstatoi se mundësia e mbijetesës pas një sulmi në zemër rritet në varësi të konsumimit të ushqimit me fibra, sidomos për mëngjes.

Leave A Reply

Your email address will not be published.

This site uses Akismet to reduce spam. Learn how your comment data is processed.