Persona të paidentifikuar i kanë hedhur një granatë dore në oborrin e banesës, ish të dënuarit për vrasje.
Burime nga Policia e Tiranës bëjnë me dije se ngjarja ka ndodhur në orën 22:40 të mbrëmjes së djeshme, në rrugën “Petrit Radovicka”, ku autorët e ngjarjes pasi kanë hedhur granatën në banesën e shtetasit B. Ç., 48 vjeç, janë larguar me shpejtësi.
Fatmirësisht ajo nuk ka shpërthyer. Në vendin e ngjarjes shkuan shërbimet policore. Nga të dhënat paraprake dyshohet se ngjarja mund të ketë si motiv hakmarrjen. Gripi hetimor po punon për sqarimin e rrethanave të ngjarjes, identifikimin dhe kapjen e autorëve.