Standard.al

Ylli Shehu kalon te LSI, Mediu: Parti ku mblidhen mizat!

0

Ylli-shehuNë prag të zgjedhjeve lokale, opozitës i largohet edhe një tjetër deputet. Deputeti i Partisë Republikane, Ylli Shehu, kalon te Lëvizja Socialiste për Integrim.

Shehu, ishte i pari në listën e Partisë Republikane në Tiranë për zgjedhjet qendrore të vitit 2013. Pas kalimit të tij në radhët e mazhorancës, LSI bëhet me 20 deputetë në Kuvendin e Shqipërisë. Pas zgjedhjeve të qershorit 2013, kësaj force i janë bashkuar 3 deputetë.

Ky është deputeti i dytë i partisë së Fatmir Mediut që largohet nga kjo forcë, pasi para pak kohësh, Luan Duzha i qarkut të Elbasanit, deklaroi largimin nga opozita dhe afrimin me partinë e Ilir Metës.

Ndërkohë që edhe ish-socialisti Gjovalin Kadeli, braktisi PD-në pas zgjedhjeve të 2013-ës për t’u renditur si deputet i LSI-së.

Ndërkohë ka reaguar menjëherë kryetari i Partisë Republikane, Fatmir Mediu, i cili pas largimit të deputetit Ylli Shehu drejt LSI-së, e ka cilësuar këtë të fundi si vend ku mblidhen mizat.

“LSI është kthyer në një vend ku mblidhen mizat. Politika është kthyer në një pazar të gjësë së gjallë”.

 

Leave A Reply

Your email address will not be published.

This site uses Akismet to reduce spam. Learn how your comment data is processed.