Arsyet pse nuk dobësoheni

0

pse nuk dobësoheniNdonjëherë të duket sikur dhe pse përpiqesh të kesh kujdes me ushqimet, nuk humbet dot në peshë. Mund të kesh të drejtë. Njihu me pesë kundërshtarët e fshehtë që nuk të lënë të dobësohesh.

Mungesa e vitaminave
Gratë që e plotësojnë dietën me vitamina ekstra kanë më pak uri sesa ato që nuk e bëjnë këtë, sipas kërkimeve të Laval University në Kanada.

Zgjidhja: Bëj një test nëse të mungon ndonjë lloj vitamine dhe drejt e në farmaci, ose kërko ushqime të pasura me atë lloj vitamine. Ato mund të jenë vitaminat B që ndihmojnë në djegien e yndyrave dhe uljen e nivelit të stresit nëse ai ka fluturuar pa kontroll.

 

Uji i rubinetit

Uji i rubinetit është shumë i pasur me fluor që mund të jetë i mirë për dhëmbët, por jo për siluetën tuaj. Sipas Mary J Shomon, autorja e ‘The Thyroid Diet: Managing Your Metabolism For Lasting Weight Loss’, “Fluori pengon organizmin të thithë jodin i cili duhet për shëndetin e tiroides. Nëse tiroidja është e dobët, edhe metabolizmi do jetë dhe ti do shtosh peshë.”

Zgjidhja: Provo të përdorësh disa javë ujë të ambalazhuar mineral dhe shiko nëse do ndikojë në peshën tënde.

 

Masa e racioneve

Gjatë 30 viteve të kaluara, përmasat mesatare të një pjate janë rritur nga 23cm në 33cm, gjë që ka ndodhur dhe me racionet. “Shumë nga ne kanë harruar si janë racionet normale” thotë dietologia skoceze Fiona Kirk.

Zgjidhja: Fiona rekomandon të përdorim racione ushqimesh me karbohidrate apo proteina jo më të mëdha sesa grushti dhe ta mbushim pjesën tjetër të pjatës me fruta dhe perime. Sigurisht duhet të përdorni pjata më të vogla që mos të ngelet më vend.

 

Bakteret e zorrëve

Bëhet fjalë për bakteret që jetojnë në sistemin tretës. Studiuesi Peter Turnbaugh i Washington University School of Medicine ka vëzhguar dy lloje bakteresh që gjenden në zorrë: bakteroidetes dhe firmikutes. Ai zbuloi që njerëzit obezë kishin një sasi më të madhe firmikutesh dhe që kur ata fillonin dietën, sasia e tyre ulej dhe rritej ajo e grupit të parë, në linjë me humbjen e shtresave dhjamore.

Zgjidhja: Ndërkohë që nuk është gjetur deri tani asgjë që mund të rrisë nivelet e bakteroideteve, duke rritur nivelet e baktereve në përgjithësi do rritej dhe numri i atyre që shpërbën karbohidratet. Mënyra më e mirë është të marrësh më shumë ushqime probiotike që furnizojnë nivelet e baktereve të shëndetshme që përfshijnë preshin, hudhrën dhe bananet dhe të shmangësh antibiotikët që mund t’i vrasin ato. Gjithashtu mund të marrësh një pije të përditshme probiotike si kosët e lëngshëm Danone Actimel Original, që përmbajnë përbërës që rrisin imunitetin.

 

Truri yt

Studiues në Universitetin e Utrecht në Holandë kanë vërtetuar që njerëzit që mendojnë pozitivisht kur nisin një dietë kanë më shumë gjasa të humbasin peshë në krahasim me dyshuesit, shkruan revista “Class”. Trajnerja Alyssa Abey thotë që nëse truri yt e di që po bën diçka që do të bëjë të ndihesh keq, e ndalon atë. Kështu ti do e ndjesh çdo copë torte që lë pas në raftin e ëmbëltores.

Zgjidhja: Fokusohu te arsyet pse do të humbasësh peshë dhe thuaji vetes që do e bësh. Duhet të ndalosh të shohësh njëkohësisht ëmbëltoren dhe palestrën ngjitur me të. Gjithashtu bën mirë t’i shënosh objektivat për peshën në një letër. “Unë këshilloj që të gjithë të mbajnë një letër dhe ta kontrollojnë para se të bëjnë diçka që vë në provë premtimin”, – thotë trajnerja personale e Jennifer Garner, Valerie Waters

 

Ja sekretet e çokollatës së zezë

Për dallim nga çokollata e zakonshme, e cila është e pasur me sheqerna dhe e varfër sa u përket antioksindatëve, çokollata e zezë është minierë e vërtetë e tyre.

Është interesante që çokollata me përqindje të lartë të kakaos (të paktën 70 për qind) përmban më shumë antioksidantë sesa çaji i gjelbër ose vera e kuqe!

 

Mbron lëkurën

Hulumtimi i publikuar në revistën “Journal of Nutrition” ka treguar që personat që konsumojnë çokollatën e zezë kanë lëkurë më të butë, 25 për qind më pak pika të kuqe pas ekspozimit në diell, ndërsa lëkura e tyre e mban lagështinë për një kohë më të gjatë. Njëlloj kështu, me çokollatë mund të parandaloni njollat që shkaktohen nga plakja.

 

Çokollata e zezë ruan zemrën

Ekspertët e Harvardit kanë analizuar 21 studime të publikuar më parë për konsumimin e kakaos me gjithsej 2500 të anketuar. Përveç që mund të ulë shtypjen e gjakut dhe përmirësojë gjendjen e enëve të gjakut, konsumimi i kakaos është përgjegjës për reduktimin e kolesterinës së keqe, ndërsa njëkohësisht rrit nivelin e kolesterinës të mirë.

 

Nëse jeni të mërzitur, hani një copë të çokollatës së zezë

Me shumë hulumtime është vërtetuar që çokollata e zezë mund të ulë shtypjen e gjakut. Kështu hulumtimi në Universitetin e Këlnit ka treguar që madje dhe sasitë e vogla të çokollatës së zezë japin potencial të ngjashëm të uljes së shtypjes së gjakut si edhe ushqimet dietike të cilat janë dëshmuar si të suksesshme në reduktimin e problemeve kardiovaskulare.