Një aksident pranë kryqëzimit të Shëngjinit ka ndodhur mëngjesin e sotëm dhe për pasojë pesë persona u plagosën.
Sipas policisë të dëmtuarit janë Drita Deda, 43 vjeçe dhe dy fëmijët e saj, të cilët po udhëtonin me mjetin tip Ford, që drejtohej nga gruaja, si dhe dy të plagosur të tjerë, që po udhëtonin me një mjet tip Fiat.
Dy makinat, u përplasën në dalje të Lezhës, në një kohë që po dilnin nga rruga dytësore. Në pranga ka përfunduar 26-vjeçari Frederik Marku dhe po punohet për zbardhjen e plotë të ngjarjes.