Shqiptari foto me 250 mijë stërlina, mediat angleze: Idiot

0
145

Disa fotografi të bëra me iPhone, kur kishte përpara një pirg parash dhe e postuar më vonë në rrjetet sociale, duket se kanë qenë provat fatale në dëm të një trafikanti shqiptar në Britani, që është dënuar me 11 vjet burg.

Olsi Beheluli, 24 vjeç dhe me banim në Londër, ishte arrestuar në tetor të vitit të kaluar bashkë me dy bashkëpunëtorë të tij.

Sipas njoftimit për shtyp të Agjencisë Britainke të Antikrimit, NCA, e njohur si FBI-ja britanike, trafikanti shqiptar tha fillimisht se paratë, rreth 250 mijë stërlina, nuk ishin të tij dhe se fotografia ishte bërë në Shqipëri, në shtëpinë e një kushëriri të tij.

Por nga hetimi i letrës së murit dhe mobilieve në fotografi, detektivët e NCA-së konkluduan se fotografia ishte bërë në apartamentin ku 24-vjeçari kishte jetuar me qira në lagjen Harrou të Londrës.

Treshes së trafikantëve shqiptarë të përbërë nga Olsi Behluli, Besim Topalli, 29 vjeç dhe Azem Proshka, 23 vjeç, që operonin në veri-perëndim të Londrës, sipas njoftimit për shtyp, iu kap sasi kokaine dhe heroine, që në rrugë do të kapte vlerën e mbi 4 milionë stërlinave.

Gjatë operacionit janë gjetur çanta që përmbanin kafeinë pluhur dhe paracetamol, që përdoreshin si përzierës, si dhe sasi të mëdha parash në stërlina dhe euro. Hetuesit gjetën edhe dokumente false dhe pajisje të tjera për përpunimin e drogës.

Në momentin e arrestimit, detektivët gjetën edhe bileta bastesh që tregonin se Olsi Behluli kishte blerë me vlerën e 12 mijë stërlinave në kompanitë e basteve “Ladbrokes” dhe “William Hill”.

Sakaq, llogaria e tij bankare si student, kishte një sasi prej 24 mijë stërlinash që ai pretendonte se i kishte fituar duke vënë baste gjatë kohës së Kampionatit Botëror.

Në procesin e zhvilluar në një gjykatë të Londrës, trafikantët u shpallën fajtorë për komplot me qëllim trafikimin e drogës së klasit A dhe u dënuan: Behluli me 11 vjet dhe Topalli e Proshka me nga 10 vjet burg. Pas vuajtjes së dënimit ata do të deportohen në Shqipëri.

Drejtuesi i lartë i Agjencisë Kombëtare të Antikrimit, Oliver Higgins deklaroi se këta trafikantë ishin përfshirë në furnizimin në sasi të konsiderueshme të drogës të klasit A, me pastërti të lartë. “Por ata nuk ishin në dijeni se ishin duke u ndjekur nga agjencia jonë”, tha zyrtari, i cituar në një komunikatë për shtyp.

Thuajse çdo muaj agjentët britanikë eliminojnë një grup kriminal shqiptar të trafikimit të drogës, që e kanë shndërruar Britaninë në El Doradon e tyre kriminale. /TCH/

behluli3

olsibeheluli

Web Agency, Digital Agency, Web Development Agency