Banda e tritolit/ Dosja mbërrin në gjykatë, 38 akuza pë grupin me 7 persona, 15 vetëm për Julian Sinanajn

0
129

Sonila Mesareja

Zyrtarizohet përfundimi i hetimeve, dosja voluminoze me 38 akuza pritet të hidhet në short për gjykim në fillim të javës

Banda e tritolitNjë javë pas deklarimit të përfundimit të hetimeve për të ashtuquajturën “Banda e Tritolit”, dosja voluminoze përfundon për gjykim në Gjykatën e Krimeve të Rënda. Mbërritja e dosjes për gjykim zyrtarizoi përfundimin e hetimeve dhe pritet që javën e ardhshme të hidhet në short për të përcaktuar trupën gjyqësore që do e gjykojë. Burime zyrtare nga akuza bëjnë me dije se do jenë plot 15 akuza në ngarkim të protagonistit kryesor të kësja çështjeje, të akuzuarit si vrasës me pagesë Julian Sinanaj. Më pas me 7 akuza do të përballet bashkëpunëtori i drejtësisë Ndriçim Gjokona, ai që zbuloi këtë bandë dhe mundi të parandalojë në kohë vrasjen e biznesmenit të hidrokarbureve P.Bare. Sipas Prokurorisë, hetimi ndaj tyre ka nisur në Janar të vitit 2014, pas disa atentatesh me armë zjarri dhe lëndë plasëse që ndodhën ose mbetën në tentativë në Vlorë dhe Tiranë. Në përfundim të këtyre hetimeve, Prokuroria për Krime të Rënda ka marrë të pandehur 7 persona, si pjesë e grupit te strukturuar kriminal. Në total, këtyre personave, Prokuroria për Krime të Rënda u atribuon 38 akuza.

 

Akuzat për Julian Sinanaj

Sipas Prokurorisë së Krimeve të Rënda, Julian Sinanaj, 31 vjeç akuzohet për 15 vepra penale. Konkretisht për “Vrasje me paramendim për interes” kundër shtetasit Sokol Veizi, e kryer në  bashkëpunim në formën e grupit të strukturuar kriminal me të pandehurit  Erjon Mëhillaj, Genis Mëhillaj, Ndricim Gjokona, vepër penale e parashikuar nga nenet 78/2 i K.Penal e 28/4; “Mbajtje pa leje e armëve luftarake”, parashikuar nga nenï 278/2; ”Sigurimi i Kushteve dhe i mjeteve materiale” për të kryer vrasjen e shtetasit M.L (inicialet janë të ndryshuara), vepër e kryer në bashkëpunim në formën e grupit të strukturuar kriminal me të pandehurit Genis Mëhillaj, Erjon Mëhillaj, Ndricim Gjokona, dhe në bashkëpunim me të pandehurin Marjon Mitro, vepra penale të parashikuar nga nenet 80 e 28/4 te K.Penal; ” Mbajtje pa leje e armëve luftarake”, parashikuar nga neni  278/2 K.Penal ; “Vepra me qëllime terroriste”, kryer në bashkëpunim në formën e grupit të strukturuar kriminal me të pandehurin Andon (alias Erjon) Mëhillaj, që kanë shkaktuar shkatërrimi serioz të pronës private, si dhe kane synuar vrasjen e ish-Drejtorit Përgjithshëm të ALUIZNI-t, z.Ardian Kollozi, vepra të parashikuara , neni 230 gërma “a” dhe ”m” te K.Penal; ”Prodhim dhe mbajtje pa leje të lëndëve plasëse”,  neni 278/1 i K.Penal; ”Vrasje me paramendim për interes” të shtetasit Agron ÇELA, kryer në bashkëpunim në formën e grupit të strukturuar kriminal me të pandehurin Andon (alias Erjon Mëhillaj) parashikuar si krim nga neni 78/2 i K.Penal; ”Mbajtje pa leje në ambiente publike të armëve luftarake”, neni 278/4 i K.Penal; “Vepra me qellim terroriste” mbetur ne tentative kryer në bashkëpunim me Marjon Mitron që ka synuar vrasjen e shtetasit Besnik Dervishi ish prefekt i Qarkut të Vlorës, neni 230-22 -25 gërma “a” të K.Penal; ”Prodhim, mbajtje dhe shitje të lëndëve plasëse”, konkretisht të  lëndës plasëse që është vendosur në automjetin e Z. Besnik Dervishi neni 278/3; ”Prodhim dhe mbajtjes pa leje ne ambjente publike të armëve e municionit luftarak” që i janë sekuestruar gjatë kontrollit personal në momentin e arrestimit shtetasit Julian Sinanaj, armë që janë blerë tek Albin MEXHA, parashikuar nga neni neni 278/4 i K.Penal; “Sigurim i kushteve dhe burimeve të tjera materiale për të kryer vrasjen” të shtetasit Pirro Bare, kryer në bashkëpunim në formën e grupit të strukturuar kriminal me shtetasit Genis Mëhillaj, Ndricim Gjokona dhe në bashkëpunim me shtetasin Ilir KARCINI, vepra penale të parashikuara si krim nga nenet  80 e 25  e 28/4  te  K.Penal; “Prodhim dhe mbajtje pa leje në sasi të mëdha, më shumë se një herë të armëve, municionit luftarak lëndëve plasëse”,  neni 278/5 i K.Penal; “Pjesëmarrje në Grup të strukturuar kriminal”,  neni 333 ”a” i K.Penal dhe; “Kryerja e veprave nga Grupi i strukturuar kriminal”, neni 28/4 e 334 K.Penal.

 

Akuzat për Andon Mëhillaj

Prokuroria ka ngritur përfundimisht 6 akuza për Andon ( alias Erjon ) Mëhillaj, 39 vjeç. Konkretisht, Mëhillaj akuzohet për “Vrasje me paramendim për interes” kundër shtetasit Sokol Veizi, vepër penale e kryer në bashkëpunim në formën e grupit të strukturuar kriminal, me të pandehurit Julian Sinanaj, Genis Mëhillaj, Ndricim Gjokona, vepër penale e parashikuar nga nenet 78/2 i K.Penal e 28/4; ”Sigurim i kushteve dhe i mjeteve materiale” për të kryer vrasjen e shtetasit M.L (inicialet janë të ndryshuara), vepër e kryer në bashkëpunim në formën e grupit të strukturuar kriminal me të pandehurit Julian Sinanaj, Genis Mëhillaj, Ndricim Gjokona dhe në bashkëpunim me shtetasin Marjon Mitro, vepra penale të parashikuar nga nenet 80 e 28/4 te K.Penal; 3).”Vepra me qëllime terroriste”, kryer në bashkëpunim në formën e grupit të strukturuar kriminal me të pandehurin Julian Sinanaj që kanë shkaktuar shkatërrim serioz të pronës private, si edhe kanë synuar vrasjen e ish Drejtorit të Përgjithshëm të ALUIZNIT, z..Ardian Kollozi, vepra të parashikuara, neni 230 gërma ”a” dhe ”m” të K.Penal; “Vrasje me paramendim për interes” të shtetasit Agron ÇELA, kryer në bashkëpunim në formën e grupit të strukturuar kriminal me të pandehurin Julian Sinanaj, parashikuar si krim nga neni 78/2 e 28/4 te K.Penal; ”Pjesëmarrje në Grup të strukturuar kriminal” neni 333/”a” i K.Penal; si dhe ”Kryerja e veprave nga Grupi i strukturuar kriminal”, neni 28/4 dhe 334 i K.Penal;

 

Akuzat për Genis Mëhillaj

Prokuroria ka ngritur 5 akuza për të pandehurin Genis (alias Gentjan) Mëhillaj, 44 vjeç, konkretisht për “Vrasje me paramendim për interes” kundër shtetasit Sokol Veizi, vepër penale e kryer në bashkëpunim në formën e grupit të strukturuar kriminal me të pandehurit Julian Sinanaj, Andon (alias Erjon) Mëhillaj, Ndriçim Gjokona, vepër penale e parashikuar nga nenet 78/2 i K.Penal e 28/4 të K.penal; ”Sigurim i Kushteve dhe i mjeteve materiale” për të kryer vrasjen e shtetasit M.L (inicialet janë të ndryshuara), vepër e kryer në bashkëpunim në formën e grupit të strukturuar kriminal me të pandehurit Julian Sinanaj Andon Mëhillaj, Ndriçim Gjokona  dhe në bashkëpunim me shtetasin Marjon Mitro, vepra penale të parashikuara nga nenet 80 e 28/4 te K.Penal; ”Sigurim i kushteve dhe i mjeteve materiale” për të kryer vrasjen e shtetasit Pirro Bare,   vepër e kryer në bashkëpunim në formën e grupit të strukturuar kriminal me të pandehurit Julian Sinanaj, Ndricim Gjokona dhe në bashkëpunim me shtetasin Ilir Karçini vepra penale të parashikuara nga nenet 80 e 28/4 te K.Penal; ”Pjesëmarrje në grup të strukturuar kriminal” neni 333 germa “a” i K.Penal; si dhe ”Kryerja e veprave nga Grupi i strukturuar kriminal”, neni 28/4 dhe 334 i K.Penal.

 

Akuzat për Ndriçim Gjokonën

Për të pandehurin Ndriçim Gjokona, i cili ka përfituar edhe statusin e bashkëpunëtorit të drejtësisë, Prokuroria ka ngritur 7 akuza. Konkretisht, 31-vjeçari akuzohet për “Vrasja me paramendim për interes” kundër shtetasit Sokol Veizi, vepër penale e kryer në bashkëpunim në formën e grupit të strukturuar kriminal me te pandehurit Andon ( alias Erjon) Mëhillaj, Genis (alias Gentjan) Mëhillaj, Julian Sinanaj, parashikuar nga nenet 78/2 i K.Penal e 28/4 të K.Penal; ”Sigurim i Kushteve dhe i mjeteve materiale” për të kryer vrasjen e shtetasit M.L (inicialet janë të ndryshuara), vepër e kryer në bashkëpunim në formën e grupit të strukturuar kriminal me të pandehurit Genis Mëhillaj, Erjon Mëhillaj, Julian SINANAJ dhe në bashkëpunim me shtetasin Marjon Mitro, vepra penale të parashikuar nga nenet 80 e 28/4 të K.Penal; ”Mbajtje pa leje e armëve luftarake”, parashikuar nga neni 278/2 K.Penal; ”Prodhimi dhe mbajtje pa leje në ambjente publike të armëve e municionit luftarak” që i ka blere tek shtetasi Albin Mexha dhe i janë dorëzuar Julian Sinanajt, parashikuar nga neni 278/4 i K.Penal; ”Sigurimi i kushteve dhe burimeve të tjera materiale për të kryer vrasjen” të shtetasit Pirro Bare, kryer në bashkëpunim në formën e grupit të strukturuar kriminal me shtetasit Genis (alias Gentjan) Mëhillaj, Julian Sinanaj dhe në bashkëpunim me shtetasin Ilir Karçini, vepra penale te parashikuar si krim nga nenet  80 e 28/4  të K.Penal; ”Pjesëmarrje në  grup të strukturuar kriminal”, neni 333 ”a” i K.Penal; si dhe ”Kryerje e veprave nga grupi i strukturuar kriminal”, neni 28/4 e 334 K.Penal.

 

Akuzat për Marjon Mitro

Sipas akuzës së ngritur nga Prokuroria e Krimeve të Rënda, 42-vjeçari Marjon Mitro akuzohet për 3 vepra penale. Konkretisht akuzohet për ”Sigurimi i Kushteve dhe i mjeteve materiale” për të kryer vrasjen e shtetasit M.L (inicialet janë të ndryshuara), vepër e kryer në bashkëpunim me të pandehurit Julian Sinanaj, Genis (alias Gentjan ) Mëhillaj, Andon (alias Erjon) Mëhillaj, Ndriçim Gjokona, vepra penale e parashikuar nga nenet 80 e 25 te K.Penal; ”Vepra me qëllime terroriste” mbetur në tentativë, kryer në bashkëpunim me Julian Sinanajn, që kanë synuar vrasjen e shtetasit Besnik Dervishi ish- prefekt i Qarkut të Vlorës ,neni 230-22 -25 germa “a” të K.Penal; si dhe ”Prodhimi, mbajtja në ambjente publike dhe shitje të lëndëve plasëse” konkretisht të  lëndës plasëse që është vendosur në automjetin e Z. Besnik Dervishi neni 278/4.

 

Akuzat për Albin Mexhaj

Ndaj të pandehurit 29-vjeçar Albin Mexhaj rëndon vetëm një akuzë, ajo e “Trafikimit të armëve dhe municionit luftarak”, ku në tre raste u ka shitur armë dhe  municion luftarak të pandehurve Julian Sinanaj dhe Ndricim  Gjokona, duke konsumuar kështu veprën penale të parashikuar nga neni 278/a 1 i K.Penal.

 

Akuzat ndaj Ilir Karçinit

Ndaj biznesmenit 45-vjeçar Ilir Karçini rëndon vetëm një akuzë, ajo e “Sigurimit të kushteve dhe mjeteve materiale” për kryerjen e vrasjes së shtetasit Pirro Bare, vepër kjo e kryer në bashkëpunim me të pandehurit Julian Sinanaj, Genis Mëhillaj dhe Ndricim Gjokona, parashikuar nga neni 80 e 25 i K.Penal.

 

Web Agency, Digital Agency, Web Development Agency