Disa profesione i janë më shumë të ekspozuara rrezikut nga prishja e martesave, pra mjekët shumë më shpesh divorcohen sesa inxhinierët, thuhet në një studim britanik.
Kategorisë më të rrezikuar në pikëpamje të prishjes së vatrës familjare i përkasin valltarët, koreografët, barmenët apo kinezoterapeutët, madje me 40 për qind të shanseve që të divorcohen nga bashkudhëtari i jetës, konstatojnë autorët e këtij studimi.
Infermierët dhe punëtorët e tjerë mjekësorë, artistët dhe sportistët janë menjëherë pas tyre dhe kanë 30 për qind shanse që martesa t’u prishet. Më së paku të rrezikuar, sipas studimit, janë martesat e inxhinierëve me vetëm 2 për qind të rrezikut për prishje martese.
Në këtë studim gjithashtu theksohet që orari i zgjatur, puna jashtë orarit dhe gjatë vikendeve nuk kanë ndikim të dukshëm për divorc. Autorët e studimit kanë analizuar çiftet e divorcuara dhe të ndara të 449 profesioneve të ndryshme.
Drejtori i agjencisë Reality and Performance, Hamid Agini, thotë që nuk janë përfaqësuar të gjitha profesionet në këtë studim, madje mu ato te të cilat divorcet janë dukuria më e shpeshtë, dhe në të cilat ka radhitur edhe punën e politikanëve, drejtorëve dhe gazetarëve.
Nëntë situata që nxisin tradhtinë
Pse njerëzit nuk ndahen nga njëri-tjetri sapo shohin një person interesant, pa filluar të tradhtojnë? A është e natyrshme që të ketë tundim, apo është tundimi një shenjë, që marrëdhënia po humbet zjarrin e saj? Nëse keni tradhtuar ndonjëherë, pse e keni bërë? Mund të falni një tradhtar? Nëse jeni duke u interesuar për një person i cili është në një marrëdhënie të përkushtuar, a ju bën kjo një tradhtar?
Ja disa situata kur njerëzit mund të tradhtojnë:
1. Mërzitja
Kjo është arsyeja më e zakonshme që njerëzit tradhtojnë. Është e vështirë të mbash një marrëdhënie të mërzitshme për një kohë të gjatë. Gjërat fillojnë e zmadhohen dhe pastaj arrin një pikë kur të dy e kuptojnë se kjo është jeta e vërtetë. Kur dikush tjetër ju përmbush eksitimin, një marrëdhënie e re mund të fillojë.
2. Varësia
Në shikim të parë, tradhtia duket si sjellje e pavarur. Kjo mund të interpretohet kështu: jeni duke bërë atë që doni, kur të doni. Por tradhtia është një sjellje e varur. Një tradhtar është i varur, sepse ata nuk janë aq të fortë sa të prishin marrëdhënien me partnerin e tyre të rëndësishëm, në mënyrë që të largohen me tjetrin.
3. Konfuzioni
Ndonjëherë jeta ose një situatë e veçantë mund të lëkundë karakterin tuaj. Kur ndodh stuhia e përsosur e konfuzionit në kokën tuaj, mund të bëni gabime.
4. Sepse ju lejojnë
Disa mendojnë se nëse do të tradhtoheshin, do të ndaheshin menjëherë. Të falësh një tradhtar, është njësoj si të bësh marrëveshje me të për të ndodhur përsëri, duke filluar një rreth vicioz. Personi i tradhtuar mund të humbasë respektin duke lejuar që ta bëjë përsëri.
5. Trajtimi
Nëse dikush është keqtrajtuar, atëherë instinkti i tij i parë është të largohet prej tij ose prej saj. Por nganjëherë kjo nuk është kaq e thjeshtë, ndoshta ju keni për të rritur fëmijët së bashku. Nëse ju ndjeheni të bllokuar në një marrëdhënie të keqe, është e natyrshme që do të hidheshit në krahët e hapura të një personi që ju trajton mirë.
6. Hakmarrja
Kjo është fare e thjeshtë: një sy për një sy. E tradhton, nëse të tradhton. Nëse vazhdimisht ju lëndon apo abuzon me ju në një farë mënyre, ju bëni të njëjtën gjë për të marrë hak.
7. Konfirmimi i atraktivitetit
Ndonjëherë kur ju keni kohë në një marrëdhënie të gjatë, ose nëse partneri ju konsideron të zakonshëm, filloni të pyesni veten nëse jeni ende tërheqës. Ndoshta, sepse jeni ndjerë më tërheqës kur ishit vetëm. Keni dëshmuar se një person i ri mund të jetë tërhequr nga ju.
8. Trilli
Disa njerëz vetëm kënaqen kur tradhtojnë: vrapojnë në fshehtësi, duke rrezikuar, duke u kapur, duke krijuar konspiracione, si dhe duke krijuar momente emocionuese.
9. E konsiderojnë më shumë një romancë sesa tradhti
Ju mund të keni kufijtë tuaj, por a përputhen me ato të partnerit? Për disa kufijtë e tradhtisë shkojnë mjaft larg, aq sa duket sikur nuk do t’i shohësh dot kurrë.
