PLANI Ja ku mund të ndërtohet në Tiranë, së shpejti miratohen10 zona të reja

Leja e ndërtimit merret për 45 ditë

 Nuk ka më ndërtime kaotike, shtohen zonat e  gjelbërta

Janë 40 zona në të cilat qytetarët mund të ndërtojnë në Kryeqytet. Bashkia e Tiranës prej disa muajsh ka nisur hartimin e Planeve të Detajuara Vendore të cilat bëjnë të mundur që ndërtimet të jenë të mirëstruktura dhe ti jepet fund ndërtimeve kaotike.  Nëpërmjet studimeve në terren është bërë e mundur që të përcaktohen disa prej zonave ku mund të ndërtohet dhe ccdokush mund të paraqitet pranë bashkisë për të marrë lejen e ndërtimin. Lejet e ndërtimit tashmë mund të merren vetëm për 45 ditë, kur vite më parë duhej plot 1 vit kalendarik, pa marrë parasysh dhe procedurat shtesë.  “Planet e Detajuara Vendore (PDV) kanë në themel të tyre parime të forta të respektimit të pronës private, mjedisit dhe zhvillimit ekonomik. Qytetarët vendosen në kushte të barabarta përpara zhvillimit e në asnjë rast nuk do të lejohet që e drejta e dikujt, të cenoje të tjerët. Këto studime i japin njëherë e përgjithmonë fund zhvillimit kaotik, ku për vite me radhë, fokusi ishte përqendruar tek ndërtimi i pallateve shumëkatëshe që shpërfillin territorin përreth, duke reduktuar hapësirat publike, duke cenuar infrastrukturën rrugore dhe duke mos lënë asnjë sipërfaqe për zhvillimin e institucioneve sociale e arsimore, si ҫerdhe, kopshte apo shkolla”- thekëson Bashkia e Tiranës.

Plani i Detajuar Vendor

Të gjithë zhvillimet e reja do të kontribuojnë për realizimin e rrugëve dhe hapësirave të gjelbra kompakte, në shërbim të banorëve. Në të gjitha nën-njësitë e studiuara, territori i përdorur për ndërtimin rrugëve, hapësirave të gjelbra përbën 30-50% të gjithë sipërfaqes së truallit. Për të 40 nën-njësitë e miratuara, të interesuarit për zhvillimin e pronës mund të aplikojnë menjëherë pranë Bashkisë së Tiranës, për t’u pajisur me leje ndërtimi. Plandi i Detajuar Vendor ka për qëllim: Të përcaktojë kufinjtë midis hapsirave publike dhe private duke harmonizuar ineresat që ato përfaqsojnë në zhvillimin e territorit. Të shpërndarjë në mënyrë proporcionalisht të barabartë përfitimet dhe kontributet në zhvillim ndërmjet parcelave ndërtimore, përmes caktimit të kuotave të pjesëmarrjes në zhvillim. Zona për të cilën hartohet PDV-ja përfshin: Një nënnjësi strukturore, një shumatore të disa nënnjësive strukturore, sipas rastit, një zonë me prioritet zhvillimi. Aktualisht bashkia po punon për miratimin e 10 zonave të reja ku mund të ndërtohet. Miratimi i zonave të tjera do ti japë mundësi qytetarëve të fillojnë ndërtimet.

Zonat e miratuara së fundmi