Monedha e përbashkët ka arritur dje në nivelin më të lartë të këtij viti. Një euro u këmbye me 141.5 lekë, nga 141.4 lekë që ishte një ditë më parë, ndërkohë që niveli më i lartë i arritur deri tani ishte në qershor me 141.44 lekë. Në qershor u konstatua kërkesë e lartë nga bankat për llogari të firmave të huaja që transferonin fitimet, por dhe një dalje e pazakontë e kursimeve nga bankat që u lidh me lëvizjet dhe transferimet e valutës jashtë në prag të zgjedhjeve. Gjatë ditës së djeshme, efektin kryesor duket se e kanë dhënë lëvizjet në tregjet ndërkombëtare, ku dollari u kuotua në nivelin më të ulët në tetë muaj ndaj euros, si rrjedhojë e mbylljes së qeverisë amerikane. Monedha e gjelbër ra për të dytën ditë ndaj euros, teksa zëdhënësi i Shtëpisë së Bardhë John Boehner sinjalizoi një mungesë progresi në zgjidhjen e ngërçit fiskal të SHBA-ve. Nga ata tjetër, euro u ndihmua dhe nga një raport që tregoi se shërbimet në eurozonë ishin rritur këtë muaj më shumë sesa parashikimi fillestar. Dollari ra në 1.3623$ për euro, niveli më i ulët që nga 4 shkurti. Në tregun vendas dollari ra me 0.5 lekë në 104.3 lekë.
Një tjetër faktor që po mban euron e lartë në tregun vendas është dhe kërkesa e lartë për monedhën e përbashkët, sipas aktorëve të tregut. Ata presin që euro të vijojë të jetë e fortë, të paktën deri në fund të vitit.
Pse u rrit euroja
Gjatë ditës së djeshme, efektin kryesor duket se e kanë dhënë lëvizjet në tregjet ndërkombëtare, ku dollari u kuotua në nivelin më të ulët në tetë muaj ndaj euros, si rrjedhojë e mbylljes së qeverisë amerikane. Monedha e gjelbër ra për të dytën ditë ndaj euros, teksa zëdhënësi i Shtëpisë së Bardhë John Boehner sinjalizoi një mungesë progresi në zgjidhjen e ngërçit fiskal të SHBA-ve. Nga ata tjetër, euro u ndihmua dhe nga një raport që tregoi se shërbimet në eurozonë ishin rritur këtë muaj më shumë sesa parashikimi fillestar
Emërohen drejtuesit e rinj të Operatorit të Sistemit të Transmetimit
Me urdhër të ministrit të Zhvillimit Ekonomik, Tregtisë dhe Sipërmarrjes, Arben Ahmetaj, të datës 27 shtator 2013, është ndryshuar përbërja e Këshillit Mbikëqyrës të Operatorit të Sistemit të Transmetimit të energjisë elektrike. Në përputhje me këtë urdhër, Këshilli i ri Mbikëqyrës ka emëruar Pajtim Bellon, ish-zëvendësministër i Industrisë dhe Energjetikës, në postin e kryetarit të tij. Përbërja e Këshillit Mbikëqyrës të OST-së është si më poshtë.
EMERIMET E REJA
Administratori Engjëll Zeqo
Anëtar Pajtim Bello
Anëtare Entela Çipa
Anëtar Stefanaq Koçollari
Anëtar Ilir Bejtja
Anëtar Evisi Kopliku
Anëtar Dorjan Duçka
Të larguar
Administratori Arben Ibroja
Anëtari Dardan Domi
Anëtari Endrit Lami
Anëtari Mimoza Dhëmbi
Anëtari Shkëlqim Berisha
Anëtari Adil Neziraj
Anëtari Mitro Çela
