Gëzim Saliu
Në mbledhjen e ardhshme të qeverisë, ministrat paraqesin planin e reformës strukturore për çdo dikaster
Reforma strukturore për ministritë është në hapat e fundit dhe ministrat e kabinetit “Rama” do ta paraqesin atë në mbledhjen e ardhshme të qeverisë. Siç bëhet e ditur nga burime pranë mazhorancës së majtë, të gjithë ministrat janë në fazën përfundimtare të përgatitjes së planit për reformën strukturore në dikasteret që drejtojnë. Ky plan parashikon një reformë të thellë, e cila pritet të përfshijë ndryshime të shumta si edhe shkurtime në të gjitha ministritë. Nisur nga deklarimi i bërë më parë nga kryeministrit Rama, gjatë prezantimit të strukturës së re qeverisëse, pritet që në të gjitha ministritë ekzistues, pra që nuk janë prekur në emërtime, të bëhen ndryshime drastike dhe një riformatim i plotë. Ndërkohë që në ministritë e tjera që janë ndarë apo kanë ndryshuar emërtesë do të ketë një qasje tjetër, e cila në bazë të saj do të ketë një reformë të thellë strukturore. Në mbledhjen e kaluar të Këshillit të Ministrave, kreu i ekzekutivit Rama kërkoi nga ministrat që të bëjnë gati deri në mbledhjen e ardhshme të qeverisë planet e reformës për dikasterin përkatës.
Strukturimi
Ministritë e reja të krijuara në qeverinë “Rama” janë ato që do të preken më shumë nga reforma strukturore, nisur nga fakti se ato ende nuk kanë të përcaktuar strukturën e drejtorive të tyre. Ministria e Zhvillimit Ekonomik, Tregtisë dhe Sipërmarrjes, Ministria e Energjisë dhe Industrisë, Ministria e Zhvillimit Urban dhe Turizmit si dhe Ministria e Arsimit dhe Sportit janë katër ministritë që ende nuk kanë të përcaktuar në mënyrë përfundimtare mjediset ku do të vendosen. Deri më tani Ministria e Zhvillimit Ekonomik e drejtuar nga Arben Ahmetaj dhe Ministria e Energjisë dhe Industrisë e kryesuar nga Damian Gjiknuri janë të vendosura në mjediset e METE-s deri në zhvendosjen e Ministrisë së Mbrojtjes në mjediset e Akademisë Ushtarake. Në të njëjtën gjendje ndodhet edhe Ministria e Zhvillimit Urban dhe Turizmit, e cila aktualisht është duke u strehuar në mjediset e Ministrisë së Transporteve. Por krahas ndryshimeve të thella që do të pësojnë këto dikaster, edhe ministritë që nuk kanë ndryshuar emërtim do të jenë pjesë e reformës strukturore të brendshme. Sipas asaj që është bërë e ditur nga Kryeministri Rama, do të ketë shkurtim drastik të komiteteve ndërministrore dhe reduktim të numrit të tyre, në funksion të rritjes së fuqisë koordinatave të këtyre komiteteve. Në këto ministri, që nuk kanë ndryshuar apo që nuk janë ndarë, reforma e brendshme strukturore pritet të jetë e thellë. Reforma strukturore, e cila do të përfshijë brenda saj edhe ndryshime që prekin administratën aktuale, pritet të sjellë jo pak reagime nga kundërshtarët politikë të të majtëve. Dy ditë më parë, në një dalje publike, deputeti i PD-së Eduard Halimi paralajmëroi se mazhoranca e re po programon shtyrjen e hyrjes në fuqi të ligjit të nëpunësit civil, me qëllim, sipas tij, spastrimin e administratës. Ligjvënësi demokrat bëri të ditur se opozita e djathtë nuk do të pranojë me asnjë kushte shtyrjen e këtij ligji, të votuar më parë me marrëveshje mes mazhorancës së kaluar dhe opozitës socialiste në seancën e jashtëzakonshme të 9 majit.
Strukturimi
Rama: Reforma të thella tek ministritë ekzistuese dhe ato të reja
Në publikimin e bërë dy muaj më parë të strukturës së qeverisë së re, Kryeministri Rama deklaroi se ministritë ekzistuese do të pësonin reforma të thella e ndërsa ministritë e reja apo ato që ndahen, do të përfshihen nga një qasje tjetër e cila do të ketë në bazë të saj reformën strukturore. “Qeveria e re do të jetë një strukturë e ndërtuar mbi bazën e një analize mbi strukturën ekzistuese, që përbën një trup me shumë parazitë dhe që kërkon shkurtime. Kemi marrë në konsideratë domosdoshmërinë që të kemi një qeveri, e cila të ketë fokus më tepër dhe përgjegjësi të qarta mes sektorëve dhe shumë më tepër mundësi për të krijuar kushtet që të prodhojmë rezultate me shumë më pak shpenzime nga taksat e qytetarëve. Do ristrukturojmë në mënyrë të plotë organikën e kryeministrisë, do të bëjmë shkurtim të kësaj organike, si dhe do të krijojmë një raport të drejtë dhe efikas, mes kabinetit të kryeministrit dhe degëve të ministrive. Të gjitha ministritë nuk do të ndryshojnë në kompetenca, por do të bëhen reforma të thella strukturore të brendshme. Do ketë shkurtim drastik të komiteteve ndërministrore dhe reduktim të numrit të tyre, në funksion të rritjes së fuqisë koordinatave të këtyre komiteteve. Në të gjitha ministritë që s’ndryshojnë apo ndahen, do të ketë një reformë të thellë strukturore të brendshme”.
Numri i punonjësve në sektorin buxhetor për vitin 2013 (në vlerë absolute dhe përqindje)
Institucioni buxhetor |
2013 |
% | |
Presidenca |
76 |
0.087 | |
Kuvendi |
349 |
0.398 |
|
Këshilli i Ministrave |
128 |
0.146 |
|
Ministria e Ekonomisë, Tregtisë dhe Energjetikës |
776 |
0.885 |
|
Ministria e Bujqësisë, Ushqim. dhe Mbrojt. Së Konsum. |
2,114 |
2.410 |
|
Ministria e Punëve Publike dhe Transportit |
931 |
1.061 |
|
Ministria e Financave |
3,131 |
3.570 |
|
Ministria e Arsimit dhe Shkencës |
38,901 |
44.352 |
|
Ministria e Turizmit, Kulturës, Rinisë dhe Sporteve |
1,139 |
1.299 |
|
Ministria e Shëndetësisë |
3,752 |
4.278 |
|
Ministria e Drejtësisë |
4,909 |
5.597 |
|
Ministria e Punëve të Jashtme |
552 |
0.629 |
|
Ministria e Brendshme |
13,637 |
15.548 |
|
Ministria e Mbrojtjes |
10,190 |
11.618 |
|
Shërbimi Informativ Shtetëror |
933 |
1.064 |
|
Drejtoria e Përgjithshme e Arkivave |
155 |
0.177 |
|
Akademia e Shkencave |
29 |
0.033 |
|
Kontrolli Lartë i Shtetit |
161 |
0.184 |
|
Ministria e Punës, Çësht. Sociale dhe Shanseve të Bara. |
1,417 |
1.616 |
|
Ministria e Mjedisit, Pyjeve dhe Administrimit të Ujërave |
1,350 |
1.539 |
|
Prokuroria e Përgjithshme |
825 |
0.941 |
|
Zyra e Administrimit të Buxhetit Gjyqësor |
1,215 |
1.385 |
|
Gjykata Kushtetuese |
53 |
0.060 |
|
Agjencia Telegrafike Shqiptare |
82 |
0.093 |
|
Instituti i Statistikës |
236 |
0.269 |
|
Shkolla e Magjistraturës |
23 |
0.026 |
|
Qendra Kombëtare e Kinematografisë |
9 |
0.010 |
|
Këshilli i Lartë i Drejtësisë |
50 |
0.057 |
|
Avokati i Popullit |
48 |
0.055 |
|
Komisioni i Shërbimit Civil |
24 |
0.027 |
|
Komisioni Qendror i Zgjedhjeve |
55 |
0.063 |
|
Inspektorati i Lartë Kontrollit të Deklarimit të Pasurive |
44 |
0.050 |
|
Autoriteti i Konkurrencës |
36 |
0.041 |
|
Ministria e Integrimit |
75 |
0.086 |
|
Këshilli Kombëtar Kontabilitetit |
6 |
0.007 |
|
Avokati i Prokurimeve |
14 |
0.016 |
|
Institucione të tjera qeveritare |
163 |
0.186 |
|
Mbështetje për shoqërinë civile |
13 |
0.015 |
|
Komisioneri për Mbrojtjen e të Dhënave Personale |
29 |
0.033 |
|
Komisioneri për Mbrojtjen nga Diskriminimi |
23 |
0.026 |
|
Instituti i Studimeve të Krimeve te Komunizmit |
15 |
0.017 |
|
Rezervë për institucione të krijuara me ligj |
42 |
0.048 |
|
Total |
87,710 |
1 |
|
Burimi: Ministria e Financave, buxheti i konsoliduar 2011-2013. Përgatiti: ODA