30% e rezultatit përfundimtar do të vendoset nga notat e Maturës Shtetërore, ndërsa 80% i përket rezultatit të konkursit
Universiteti i Arteve ka publikuar ditën e djeshme rezultatet e provimit për të gjithë kandidatët. Në të tria fakultetet pati një nivel mestar me kandidatët që arritën maksimumin dhe me kandidatët që u vlerësuan minimalisht. “Çdo kandidat, i cili nuk merr një minimum prej 60 pikësh, nuk mund të jetë fitues në degët e Universitetit të Arteve”, – përcakton rregullorja e miratuar nga senati. 30% e rezultatit përfundimtar do të vendoset nga notat e Maturës Shtetërore, ndërsa 80% i përket rezultatit të konkursit. Në rastin kur kandidatët kanë fituar të njëjtën sasi pikësh, ata renditen sipas rendit zbritës të pikëve të fituara në testimin special. Përzgjedhja e fituesve do të bëhet nga Komisioni i Pranimit të Programit të Studimit, anëtarët e të cilit kanë në dispozicion 240 pikë, me të cilat çdo anëtar vlerëson kandidatin gjatë testimit.
