Florenc Drizari
Hysen Osmanaj: Kemi mbajtur të njëjtin standard për zgjedhjet, nuk është faji ynë për mungesën e anëtarëve në KQZ
Komisioni Qendrori i Zgjedhjeve pranoi zyrtarisht mungesën e kuorumit për të bërë ndarjen e mandateve dhe ia la këtë çështje Kolegjit Zgjedhor. Kryetarja e KQZ-së, Lefterie Luzi (Lleshi), gjatë mbledhjes së zhvilluar mesditën e djeshme tha se komisioni nuk ka numrat e nevojshëm për të bërë ndarjen e mandateve dhe për këtë ajo ia kaloi këtë çështje trupit gjyqësor pranë Gjykatës së Apelit në Tiranë, e ngritur veçanërisht për zgjedhjet, ndërsa përfaqësuesit ligjorë të Partisë Socialiste akuzuan KQZ-në për zvarritjen e procesit. “Komisioni Qendror i Zgjedhjeve, në mbledhjen e ditës së sotme, bazuar në nenin 22 dhe 24 pika 1 e Kodit Zgjedhor, konstatoi mungesën e kuorumit të nevojshëm për shqyrtimin e projektvendimit “Për shpërndarjen e mandateve midis koalicioneve zgjedhore dhe partive politike që konkurrojnë më vete, për 12 Zonat Zgjedhore, për zgjedhjet e Kuvendit, të datës 23 qershor 2013”, – thuhet në njoftimin e KQZ, ndërsa kryetarja Lefterie Luzi (Lleshi) u shpreh: “KQZ nuk ka kuorumin e mjaftueshëm për të kaluar këtë vendim, sipas nenit 24, dhe nuk është në kushtet e marrjes së një vendimi për shpërndarjen e mandateve. Çështja do t’i kalojë Kolegjit Zgjedhor”, – tha Lleshi.
Ndërkohë, përfaqësuesi i PS-së në KQZ, Genc Gjonçaj, e akuzoi KQZ-në për mos respektimin e afateve të parashikuara nga Kodi Zgjedhor.
“Mungesa e kuorumit është vetëm njëra çështje. Në Kolegj do të shqyrtohet çështja e shpërndarjes së mandateve. Po t’u referohemi të gjitha zonave zgjedhore, tabelave përkatëse të tyre, shikohet që KQZ e ka çuar vendimmarrjen e saj për këto çështje jashtëzakonisht larg, e ka vonuar duke i nxjerrë pjesën më të madhe të këtyre zonave zgjedhore, jashtë afateve që parashikon Kodi Zgjedhor. Dhe ne për këtë arsye i jemi drejtuar Kolegjit. Disa prej tyre duhet të kishin përfunduar që në datën 22 korrik”, – deklaroi Gjonçaj.
Në përgjigje të akuzave të Gjonçajt, kryetarja e KQZ-së tha se institucioni që ajo drejton ka respektuar afatet e parashikuara në Kodin Zgjedhor.
“Kemi respektuar të gjitha afatet e përcaktuara nga Kodi Zgjedhor. E gjithë vendimmarrja jonë është në zbatimit të tij, nuk kemi shkelur asnjë afat. Jemi brenda afateve të përcaktuara nga Kodi Zgjedhor”, – u shpreh Lleshi.
Në debat me përfaqësuesit ligjor të PS-së, anëtari i KQZ-së, Hysen Osmanaj, tha se administrata zgjedhore ka mbajtur të njëjtin standard për të gjitha zgjedhjet e zhvilluara në vend. Sipas tij, nuk është përgjegjësi e KQZ-së për mungesën e kuorumit.
Mbledhja e KQZ-së për mandatet erdhi dy ditë, pasi PS dorëzoi në Kolegj kërkesën për ndarjen e mandateve në kushtet kur KQZ nuk ka kuorumin e duhur për të ndërmarrë këtë vendim. Mbledhja në KQZ zgjati për pak minuta dhe çështja i kaloi Kolegjit Zgjedhor, i cili pak orë më pas miratoi ndarjen e mandateve për çdo zonë zgjedhore në vend.
KQZ cakton 9 ekspertë për 68 parti, më 1 shtator mbahen zgjedhjet në Dardhas
Komisioni Qendror i Zgjedhjeve miratoi me 4 vota pro projektvendimin “Për shpalljen e rezultatit të shortit për emërimin e ekspertëve kontabël të licencuar, të cilët do të kryejnë auditimin e fondeve të përftuara dhe të shpenzuara nga subjektet zgjedhore, për fushatën zgjedhore, për zgjedhjet e Kuvendit, të datës 23 qershor 2013”. Më herët KQZ kishte kërkuar nga Instituti i Ekspertëve Kontabël 68 emra për auditivin e partive, por interesimit të KQZ-së iu përgjigjën vetëm 9 përfaqësues, të cilët do të auditojnë 66 subjekte politike dhe dy kandidatët të pavarur.
Gjithashtu, në mbledhjen e djeshme KQZ miratoi projektvendimin “Për miratimin e disa afateve procedurale për zgjedhjet e pjesshme për Kryetarin e Komunës Dardhas, Qarku Korçë, dhe Kryetarin e Kominës Rrethina, Qarku Shkodër, të datës 01 Shtator 2013.” Pas miratimit të këtij vendimi, KQZ përcaktoi edhe modalitetet teknike për miratimin e modelit të vulës së KZAZ-së, KQV-së, Kryetarit të KQV-së dhe vulës rezervë për KQV-në, që do të përdoren për zgjedhjet për Kryetar të Komunës Dardhas, Qarku Korçë dhe Kryetar të Komunës Rrethina, Qarku Shkodër, të datës 1 shtator 2013 etj.
QARKU TIRANË
PS – 16 deputetë, Pandeli Majko, Saimir Tahiri, Vasilika Hysi, Ditmir Bushati, Fatmir Xhafaj, Lindita Nikolla, Besnik Baraj, Xhemal Qefalia, Sadri Abazi, Parid Cara, Spartak Braho, Artan Gaçi, Pjerin Ndreu, Rakip Suli, Milena Harito, Dashamir Peza
LSI – 3 deputetë, Ilir Meta, Klajda Gjosha, Luan Rama
PD – 11 deputetë, Sali Berisha, Myqerem Tafaj, Majlinda Bregu, Halim Kosova, Florion Mima, Gerti Bogdani, Dashamir Shehi, Jorida Tabaku, Edi Paloka, Keltis Kruja, Kastriot Islami
PR – 1 deputet, Ylli Shehu
PDIU – Tahir Muhedini
QARKU FIER
PS – 9 deputetë, Gramoz Ruçi, Erjon Braçe, Englantina Gjermeni, Ilirjan Celibashi, Armando Subashi, Arben Çuko, Piro Lutaj, Majlinda Bufi, Ervin Koçi.
LSI – 2 deputetë, Petrit Vasili, Robert Bitri
PD – katër deputetë, Sokol Olldashi, Mesila Doda, Kosma Dashi, Shpëtim Idrizi.
PDIU – 1 deputetë, Omer Mamo.
QARKU GJIROKASTËR
PS – 3 deputetë – Arben Ahmetaj, Erion Veliaj, Anastas Angjeli
LSI – 1 deputet – Vangjel Tavo
PD – 1 deputet – Genc Ruli
QARKU DURRËS
PS – 6 deputetë – Blendi Klosi, Klodiana Spahiu, Ilir Beqaj, Namik Dokle, Gentian Bejko, Artur Bushi
LSI – 1 deputet – Lefter Koka
PD – 5 deputetë – Eduart Halimi, Igli Cara, Albana Vokshi, Gent Strazimiri, Oerd Bylykbashi
PR – 1 deputet – Agron Duka
QARKU FIER
PS – 9 deputetë – Gramoz Ruçi, Erjon Braçe, Eglantina Gjermeni, Ilirjan Celibashi, Armando Subashi, Arben Çuko, Pirro Lutaj, Majlinda Bufi, Ervin Koçi
LSI – 2 deputetë – Petrit Vasili, Robert Bitri
PD – 4 deputetë – Sokol Olldashi, Mesila Doda, Kozma Dashi, Shpëtim Idrizi
PDIU – 1 deputet – Omer Mamo
QARKU KORÇË
PS – 6 deputetë – Bashkim Fino, Arta Dade, Olta Xhaçka, Ilirian Pendavinji, Ilir Xhakolli, Ylli Ziçishti
LSI – 1 deputet – Piro Kapurani
PD – 5 deputetë – Ridvan Bode, Eleina Qirici, Edmond Spaho, Fatmir Mediu, Gjergji Papa
QARKU ELBASAN
PS – 6 deputetë Ben Blushi, Damian Gjiknuri, Evis Kushi, Alfred Peza, Taulant Balla, Musa Ulqini
LSI – 2 deputetë – Edmond Haxhinasto, Bujar Kllogjri
PD – 4 deputetë – Arben Imami, Eduard Selami, Ardian Turku, Luçiano Boçi
PR – 1 deputet – Luan Duzha
PDIU – 1 deputet – Aqif Rakipi
QARKU VLORË
PS – 6 deputetë – Edi Rama, Valentina Leskaj, Koço Kokëdhima, Luiza Xhuvani, Fatmir Toçi, Andrea Marto
LSI – 1 deputet – Shkëlqim Selami
PBDNJ – 1 deputet – Vangjel Dule
PD – 3 deputetë – Astrit Patozi, Arben Ristani, Liljana Elmazi
PDIU- 1 deputet – Dashamir Tahiri
QARKU KUKËS
PS – 1 deputet – Vexhi Muçmataj
PD: 3 deputetë – Flamur Noka, Besnik Dusha, Alban Zeneli
QARKU BERAT
PS – 4 deputetë – Fidel Ylli, Ermonela Felaj, Eduard Shalsi, Eduart Bejko
LSI – 2 deputetë – Nasip Naço, Gledion Rahovica
PD – 2 deputetë – Genc Pollo, Astrit Veliaj
QARKU LEZHË
PS – 2 deputetë, Mimi Kodheli, Armando Prenga
LSI – 1 deputete, Monika Kryemadhi
PD – 4 Deputetë, Aldo Bumçi, Gjovalin Kadeli, Albina Deda, Vasil Bicaj
Ndarja e mandateve, PD: Antikushtetuese. PS: Vendimi i duhur
Gjatë kohës që Kolegji Zgjedhor ishte tërhequr për marrjen e një vendimi për Qarkun e Durrësit, përfaqësuesit e dy subjekteve politike, të PD-së dhe PS-së, shfrytëzuan hapësirën kohore për të shprehur qëndrimet e tyre në lidhje me vendimmarrjen e gjykatës.
Partia Demokratike e quajti antikushtetues vendimin për ndarjen e mandateve nga Kolegji Zgjedhor duke pranuar ankimin e PS-së, të cilin ajo e quajti jashtë afateve kohore, ndërsa përfaqësuesit e PS-së e quajtën një vendim të drejtë qëndrimin e Kolegjit për kërkesën e saj.
“Keqardhje për vetë faktin se Kolegji Zgjedhor i gjendur sot përpara trysnisë dhe përpara presionit të paligjshëm të PS-së, të materializuar në 12 kërkesë padi, mbi një objekt të paligjshëm të paraqitur jo në kohën e duhur në një institucion hetimor; dhe nga ana tjetër para mundësisë për të zbatuar rigorozisht ligjin, nenin 162 dhe 163 të Kodit Zgjedhor, zgjodhi të mos zbatonte ligjin”, – deklaroi Ivi Kaso, përfaqësues ligjor i PD-së në Kolegjin Zgjedhor, ndërsa homologu i tij i majtë tha: “Pretendimet e PD, të cilat tingëllojnë më shumë si presion politike sesa argumente ligjore dhe që kërkesa e një subjekti kërkon minuta shtesë për një garë që ka mbaruar. Ne nuk kuptojmë se cila është arsyeja racionale për të mbajtur peng këtë proces. Zgjedhjet kanë përfunduar dhe vullneti i popullit ka qenë plebishqiptar”.