Tre anëtarët e ekuipazhit të anijes së pilotuar kozmike kineze “Shenzhou-10”, pas ankorimit të suksesshëm të kryer në mënyrë automatike, hynë në modulin laboratorik “Tiangong-1”, njoftoi Qendra e monitorimit të fluturimeve kozmike e Pekinit. Anija kozmike u lëshua të martën nga kozmodromi Jiuquan në shkretëtirën e Gobit dhe më pas doli me sukses në orbitën e Tokës. Moduli “Tiangong-1” u nxor në orbitë në shtator të vitit 2011.