Urdhër i Infermierit ka publikuar listën e kandidatëve që do të testohen në muajin maj. UISH bën me dije se kandidatët duhet të kenë parasysh rregullat e vendosura nga urdhri. Të gjithë pjesëmarrësit në provim duhet të kenë me vete ditën që do të paraqiten për provim lejen e ushtrimit të praktikës profesionale, ID profesionale që kanë marrë nga Urdhri i Infermierit si dhe kartën e identitetit. Provimi është një mundësi për të mësuar nivelin real të infermierëve. Duhet theksuar se profesioni i infermierit ka marrë kritika të shumta lidhur me nivelin e ulët të treguar në provimin e shtetit. Për këtë arsye UISH ka marrë masa që kandidatët të jenë të aftë dhe të mirëpërgatitur për të dhënë provimin.
Lista e kandidatëve gjendet tek gazeta “Standard”.
