Beyonce një nënë seksi në GQ

E vlerësuar si një prej femrave më tërheqëse në botë, Beyonce vazhdon të ruajë linjat e saj joshëse tashmë edhe si nënë. 31-vjeçarja figuroi në kopertinën e revistës “GQ”, me një bluzë të shkurtër sportive dhe mbathje, të cilat ilustronin se amerikania është rikthyer në formën e saj më të mirë. Në brendësinë e revistës, në të cilën Beyonce fliste gjerësisht për raportin e saj me Jay Z dhe për vajzën 1-vjeçare Blu Ivy, figuronin një seri imazhesh të tjera “të nxehta” të Beyonces. Duke përmbledhur jetën e saj me pak fjalë, 31-vjeçarja theksoi: “Kam arritur qëllimin e jetës sime, të shndërrohesha në një simbol të suksesit dhe një shembull për vajzat dhe gratë në të gjithë botën, por ndonjëherë e kam ende të vështirë që të kuptoj se sa shumë ndikim kam mbi njerëzit”.