Kujdes me produktet kozmetike, ku gabojnë vajzat dhe gratë

0

Vajzat dhe gratë duhet të kenë kujdes në përdorimin e produkteve kozmetike, ku në shumicën e rasteve duke menduar se veprojnë mirë, ato gabojnë. Për shumë arsye kjo ndodh edhe sepse nuk mendojnë se po gabojnë. Për këtë specialistët e bukurisë dhe kozmetikës japin disa këshilla se si duhet pasur kujdes, qoftë me përdorimin e produkteve kozmetike, qoftë me ruajtjen e tyre. Për këtë jepet edhe një guidë se si duhet vepruar në disa raste.

Disa kremra kanë një shtresë të hollë të plastikës nën kapak. A duhet ta mbajmë apo ta heqim atë shtresë?

Mbajeni atë shtresë, shkruajnë ekspertët. Ekspozimi në dritë dhe ne ajër bën që struktura e substancave aktive të ndryshohet, duke përfshirë vitaminën C dhe retinolin. Po ashtu, mbani këto produkte në vende të freskëta dhe të errëta për ta mbajtur efektin e tyre.

I shtoj ujë shampos sime për ta përdorur më gjatë. A do të më pastrojë njësoj?

Në qoftë se është një shampo me përqendrim të lartë (që merr shumë ujë për t’u hequr), nuk bëni dëm nëse i shtoni ujë. Mirëpo, për shumicën e shampove shtimi i ujit ulë efikasitetin dhe bën produktin shumë të lëngët që e pamundëson largimin e papastërtive.

Sa shpesh duhet t’i pastrojmë brushat e grimit (make-up)?

Shumë ekspertë pajtohen që pastrimi një herë në muaj është i mjaftueshëm. Futeni brushën në ujë mesatarisht të nxehtë në shkumë të sapunit. Shpërlajeni, fshijeni brushën me një peshqir të pastër dhe pastaj përdorni një tharëse të flokëve për ta tharë.

Mbaj sfungjerin për pastrim në dush. A paraqet ndonjë problem nëse nuk thahet tërësisht gjatë përdorimeve?

Po. Lagështia që qëndron në sfungjerin për pastrim është një medium ideal për shumimin e baktereve. Pra, pas larjes, thajeni tërësisht, duke e varur diku jashtë banjës.

A mund të përdor sfungjerin për pastrim në akne?

Duket i logjikshëm përdorimi i sfungjerit për largimin e akneve. Mirëpo, fërkimi mund ta përkeqësojë gjendjen e akneve.

A duhet ta hedh buzëkuqin, pasi kam qenë e ftohur (me grip)?

Jo. Mund ta përdorni, sepse virusi zhduket shpejt. Përveç kësaj, nuk mund t’ju infektojë përsëri. Trupi juaj ka prodhuar antitrupa kundër këtij virusi. Por, një fyt i infektuar mund të bartë baktere për një kohë më të gjatë. Pra hidheni buzëkuqin nëse keni pasur një infektim bakterial.

 

A është e shëndetshme ta ngjyrosim pjesën e brendshme të syve?

Dy gjëra duhet pasur parasysh: një dorë stabile është e domosdoshme që lapsi mos të futet në sy; dhe mund ta kontaminoni lapsin nëse keni infeksion të syrit e që nuk jeni në dijeni (në momentin që e mbyllni lapsin, bakteret mund të shumohen). Por kjo nuk do të thotë që ju nuk mund ta përdorni lapsin. Vetëm mprihni lapsin gjithmonë kur të keni mbaruar punë. Në këtë mënyrë e mbyllni lapsin në gjendje të pacenuar. Nëse keni infeksion të syrit, hidheni lapsin për t’iu shmangur infektimit.

A është rrezik ta përdorimin pincën e njëjtë për largimin e qimeve ne fytyrë dhe për nevoja të ndihmës së parë?

Jo, nuk është, nëse i merrni masat e duhura. Kur hiqni diçka me pincetë, ju mund të bartni baktere apo kërpudha diku tjetër. Pra, pastroni pincetën pas përdorimit për ndihmën e parë duke e vluar për disa minuta. Gjatë përdorimeve fshini me alkool.

A është në rregull ta mbajmë kremin kundër diellit dhe disa produkte tjera kozmetike në sirtarin e makinës?

Jo, veçanërisht në verë. Në momentin që vetura nxehet në diell, temperaturat e lartë bëjnë që substancat aktive në kremin kundër diellit të degradohen në atë nxehtësi. Ndërsa produktet e tjera shkrihen. Kur aplikoni një krem dielli të degraduar në lëkurë, nuk përfitoni nga SPF (faktori mbrojtës) që shkruan aty. Në fakt, ju nuk aplikoni asgjë më tepër se një krem hidratues.

A duhet të lihet hidratuesi-zbutësi i trupit në dush?

Derisa e mbani kapakun e mbyllur mirë dhe e përdorni produktin prej 6 deri në 8 javë, atëherë lirisht mund të lihet. Mbani perden e dushit dhe derën e banjës hapur që të ventilohet mirë hapësira. Përndryshe, lagështia mund të nxis rritjen e baktereve dhe kërpudhave në krem, veçanërisht nëse produkti është organik.

A mund t’i përziej produktet pa e dëmtuar efektin e tyre?

Është jashtë rrezikut përzierja e kremrave retinoik dhe hidratuesve në dorën e juaj dhe pastaj aplikimi i tyre, por mos e përzieni kremin kundër diellit me produkte të tjera, sepse e hollojnë faktorin mbrojtës. Më mirë është që t’i shtresoni, pra t’i përdorni një nga një. Po ashtu, kurrë mos e përzini një produkt me acid salicilik, acid glikolik, ose ndonjë acid hidroksil me retinol apo vitaminë C. Acidet do ta shkatërrojnë efektin e tyre. Dhe disa kombinime të tjera mund t’iu shkaktojnë irritime në fytyrë.

Përdorimi i make-up në veturë dhe në autobus gjatë shkuarjes në punë. A mund të kontaminohet grimi?

Jo, vetëm në rast se i përdorni gishtat pas prekjes së sipërfaqeve të cilat më herët shumë njerëz i kanë prekur. Nëse përdorni një brushë të pastër apo ndonjë sfungjer, grimi juaj nuk do të kontaminohet. Risku më i madh vjen nga futja e lapsit në sy. Nëse duhet t’i grimoni pjesët delikate atëherë pritni deri në semafor.