Standard.al

Prapaskena PSG kërkon Munë dhe CR7

Thuhet se do të largohen, madje do ta bëjnë të dy bashkë njëkohësisht. Hose Murinjo dhe Kristiano Ronaldo mund t’i hedhin benzinë zërave për një merkato, ajo e verës së ardhshme, që pritet të jetë tepër e zhurmshme. Sipas të përditshmeve sportive spanjolle, në veçanti ato katalanase, tekniku portugez është duke punuar fshehurazi për lamtumirën e tij dhe ka nisur të programojë fushatën e blerjeve me PSG-në. Objektivi numër një i tij: Ronaldo. Pavarësisht zërave çoroditës të merkatos, Real Madrid kryen pothuajse një formalitet në Kupën e Mbretit, pasi siguron një tjetër fitore 3-0 me Alkojano, ndërkohë që takimin e parë e kishte fituar 4-1. “Merengues”-it kualifikohen kështu pa ndonjë problem për në 1/8-at e finaleve të këtij kompeticioni, pasi në “Bernabeu”, ku mungonte Kaka për shkak se nuk u grumbullua nga Murinjo, hodhi në fushë shumë të rinj e megjithatë golat u shënuan nga Di Maria (71’) dhe Kajehon (dopietë) në minutat e fundit, kundër Alkojano, një ekip i Segunda Division.

Miqtë mbetën me 10 veta në minutën e 72-të, për shkak të kartonit të kuq të Selvas. Kaluan në turin tjetër edhe Malaga, Betis, Osasuna, eliminohen Vajekano e Sociedad.

 

 

Comments are closed.