Shpërndarja e mandateve KQZ nuk miraton aktin, palët i drejtohen Kolegjit Zgjedhor

Florenc Drizari

Projektvendimi për rishpërndarjen e mandateve për zgjedhjet e 2013-ës u rrëzua në Komisionin Qendror të Zgjedhjeve për mungesë votash. KQZ dështoi në marrjen e një vendimi me 5 vota për rishpërndarjen e mandateve për faktin se tre anëtarët e tij nuk pranuan ta votonin projektvendimin në parim, duke bërë që akti të mos kalonte në tërësi. Ndërkaq, ngërçi i krijuar në KQZ pritet të gjejë zgjidhje pranë Kolegjit Zgjedhor në Gjykatën e Apelit në Tiranë. Përfaqësuesit e Partisë Demokratike deklaruan në fund të mbledhjes së djeshme se në mungesë së gjetjes së një konsensusi në KQZ, ata do ta kalojnë këtë çështje për shqyrtim në Kolegjin Zgjedhor.

Gjatë seancës së të premtes paradite, kryetarja e Komisionit Qendror të Zgjedhjeve, Lefterie Leshi, ftoi anëtarët ta votojnë projektvendimin në parim, por përfaqësuesit e majtë, Denar Biba dhe Albana Shtylla, rikërkuan informacione shtesë nga Ministria e Brendshme për lëvizjet e fundit të popullsisë në katër komuna të Kukësit. Edhe pse Ministria e Brendshme iu përgjigj me anë të një shkrese zyrtare dy anëtarëve të komisionit zgjedhor për çështjen e lart përmendur dy ditë më parë, anëtarët deklaruan se shkresa është e paplotë dhe nuk përmban informacionin e dëshiruar për të cilin ky institucion, sipas tyre është i detyruar t’jua vërë në dispozicion anëtarëve të KQZ-së.

DEBATI NË KQZ
Kërkesa e dy anëtarëve të KQZ-së, Denar Biba dhe Albana Shtylla për informacione shtesë nga Ministria e Brendshme lidhur me lëvizje e fundit të popullsisë në disa komuna të Kukësit, riktheu debatet e tri ditëve më parë në komision lidhur me projektvendimin e shpërndarjes së mandateve për zgjedhjet e 2013. Qëndrimi i anëtarëve të opozitës në komision është justifikuar me faktin se informacioni i kërkuar nga ministria e brendshme nuk është i plotë. “Kërkoj të jem i bindur për materialet mbi të cilin do të japë votën. I kërkova Ministrisë të dhënat jo si person i thjeshtë por si anëtar i KQZ-së. Ministria na ktheu një përgjigje se nuk mund të na i japin sepse kanë të bëjnë me të dhëna personale dhe nuk ua lejon ligji ti japin. Kjo nuk është përgjigje. Është një përgjigje formale që nuk jep informacionin e kërkuar. Legjislacioni i mundëson anëtarit të KQZ-së marrjen e informacionit”, – tha nënkryetari i KQZ-së Denar Biba ndërsa shtoi se do të vijojë të kërkojë informacion nga Ministria e Brendshme”, tha nënkryetari i KQZ-së. Pas kësaj deklarate përfaqësuesi i mazhorancës në komision, Hysen Osmanaj kërkoj që projektvendimi të hidhej në votim për faktin se palët rikërkojnë të njëjtat informacione të vëna në dispozicion nga Ministria e Brendshme për të cilat sipas tij, anëtarët u informuan me shkrim. Pas debatesh mes anëtarëve në komision, kryetarja Lefterie Lleshi hodhi në votim projektvendimin, fillimisht në parim, ku rezultoi se mazhoranca votoi me 4 vota pro dhe përfaqësuesit e majtë nuk morën pjesë në votim. Pas këtij akti, mes anëtarëve në komision nisën debatet ku fillimisht secili prej tyre shpjegoi votën e dhënë për projektvendimin e rishpërndarjes së mandateve. Përfaqësuesja e Partisë Demokratike në komision Vera Shtjefni e cilësoi një nisje jo të mirë qëndrimin e kolegëve të saj të majtë, duke thënë se ata ai arritën të krijojnë dyshime të paqena. Nga ana e tij, anëtari i mazhorancës Ilirjan Muho e quajti qëndrimin e anëtarëve të opozitës një vendin në kundërshtim ne menin 23 të kodit